Parati

Parati
Historiala centro di Parati, kun la kirko di Santa Rita (1722).
Standardo	Blazono
Lando:	Brazilia
Stato:	Rio de Janeiro
Informo:
Fondita ye:	28ma di februaro 1667
Latitudo:	23°13'10" S
Longitudo:	44°42'53" W
Altitudo:	5 m
Surfaco:	928,5 km²
Habitanti:	44 872[1] (2022)
Denseso di habitantaro:	43,04 hab./km²
Disto de Rio de Janeiro:	258 km
Horala zono:	UTC-3
Urbestro:	Luciano de Oliveira Vidal (MDB, 2021 – 2024)
Mapo:
Oficala retosituo:
http://www.pmparaty.rj.gov.br

Portuo di Parati.

Parati (kelkafoye skribita Paraty) esas urbo en Braziliana stato Rio de Janeiro. Segun la demografiala kontado di 2022, ol havis 44 872 habitanti^[1]. Lua tota surfaco esas 928,47 km².

Parati esas turistala loko e historiala patrimonio di Brazilia, pro su bone prezervita koloniala konstrukturi. Ol anke fameskis dum recenta yari pro lua literaturala ferio, Feira Literária de Paraty, abreviuro FLIP. Por jacar preske an la marala nivelo, la fluxo periodale inundas kelka stradi en lua historiala quartero.

Parati divenis urbo ye la 28ma di februaro 1667. En 1702, konstruktesis portuo ibe, por exportacar oro produktita en Minas Gerais a Portugal. Oro transportesis adibe tra tale nomizita "Ora Choseo" (Portugalane Caminho do Ouro). Lua portuo divenis un ek la maxim importanta di Brazilia dum kolonial epoko, ma nun ol uzesas nur por la pesko.

Referi

1. População de Paraty (RJ) é de 44.872 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.