La prezidanto di la republiko esas la chefo di stato di Slovakia. Ilu havas poka efektiva povo. Pos la nedependo di Slovakia en 1993, la chefministro asumis funcioni di chefo di stato til nova prezidanto elektesis da la parlamento por un periodo di 5 yari.
En 1998 la parlamento ne esis kapabla de indikar un prezidanto. To obligis la chefministro asumar la funcioni di chefo di stato. Pos un yaro sen generala konsento pri un nomo por okupar la prezidanteso, la konstituco modifikesis: la prezidanti divenis direte elektita dal populo por 5 yari kande ili recevis plu kam 50% de la voti en unesma baloturo. L'unesma prezidantala elekto eventis en 1999.
