Kostantinos la 11ma Palaiologos (n. ye la 8ma di februaro 1405 til la 29ma di mayo 1453) esis la lasta imperiestro di Bizanco. Ilu regnis de la 6ma di januaro 1449 til lua morto, ye la 29ma di mayo 1453.
Naskinta en Konstantinoplo, il esis filio de Manuel la 2ma Palaiologos e Helena Dragaš, e fratulo del antea imperiestro Ioannes la 8ma Palaiologos e de Demetrios Palaiologos, qua divenis despoto (guberniestro) di la provinco Morea (sude de la nuna Grekia). Pos ke Ioannes mortis ye la 31ma di oktobro 1448 sen heredinti, Konstantinus disputis la krono kontre lua yuna fratulo Demetrios, e kronizesis imperiestro erste ye la 6ma di januaro de la sequanta yaro.
Kande l'Otomani lansis lia final atako kontre Konstantinoplo, ye la 29ma di mayo 1453, Konstantinus la 11ma arachis omna ek lua imperial ornamenti e komandis lua soldati en final atako, en quo ilu mortigesis.
