Kloroformo

Diagramo di molekulala strukturo di kloroformo.

Kloroformo esas liquida, densa ed oleatra organika kompozajo kun formulo CHCl₃, senkolora e volatila. Franca kemiisto Eugène Soubeiran e Germana Justus von Liebig deskriptis ol en 1831, dum ke Usana Samuel Guthrie preparis granda quanto di kloroformo la sam yaro. La tri konsideresas deskovreri di kloroformo.

Kloroformo uzesis kom anesteziivo, ma esas toxika e povas mortigar se drinkata od inhalata en granda quanto. Unesma uzajo eventis ye la 4ma di novembro 1847 kande Skotiana mediko James Young Simpson experimentis lua anesteziiva propraji. Nune ol uzesas por dissolvar substanci en laboratorii e farmacial industrio. Ol anke uzesas kom materio prima por produktar altra kompozaji.