L'interna milito di Ruanda esis interna milito eventinta en Ruanda, central Afrika, inter rebeli de la Fronto Patriota Ruandana (FPR) e guvernala trupi fidela a lora prezidanto Juvénal Habyarimana.
La konflikti komencis ye la 1ma di oktobro 1990 kun atako da FPR. Pakti signatita en Arusha ye la 4ma di agosto 1993 haltis la konfronto dum kelka monati,[1] malgre ke la violento duris latenta.
Tamen, la mortigo di Habyarimana en aprilo 1994 efektigis la komenco dil Gentocido di Ruanda, qua produktis cirkume 800.000 morti.[2] Segun diversa studiisti, la gentocidio esis motivo por la milito, e ne l'inverso. FPR durigis atakar til kontrolar komplete la lando. Kande to eventis, la guvernerio hutuo en exilo uzis kampeyi por refujinti qui kreesis en vicina landi por desstabiligar la nova guvernerio da FPR. L'interveno da FPR e milici qui suportis ol efektigis l'unesma milito di Kongo (1996–1997), qua pose efektigis la duesma milito di Kongo (1998–2003). Dum ca militi, trupi hutua probis riprenar kontrolo di Ruanda. Samatempe kam l'interna milito oficale finis en 1993, kelka historiisti afirmas ke fakte ol finis en 1994, kande Kigali kaptesis. Altre dicas ke la milito fakte finis en 1996, kande ka kampeyi por refujinti extingesis. Pro l'existo di kelka mikra grupi di rebeli proxim la frontieri di Ruanda, altra historiisti dicas ke la milito fakte ne finis, ma ke ol duras en latenta stando.
Referi
