Il esis multe okupata pri sekurar la krono di la Santa Romana Imperio, ma ne sucesis. Heme, il esforcis agar kontre povoza nobeli. Il havis intereso pri cienco; il employis eruditi qui tradukis Arabiana ciencala texti aden la Kastiliana linguo. il aranjis la kreado di la Alfonsala Tabeli - tabulae alfonsinae - per qui on povis obtenar la loki di la suno, luno e planeti, relate la steli; la fonto esis Arabiana texti. Ca tabeli esis utiligata dum multa sequanta yari; la astronomo Nikolaus Kopernikus, tri yarcenti pose, havis kopiuro.
