Ti pagsasao a Mato ket tibassit a pagsasao nga Austronesio iti akin-amianan a Papua Baro a Guinea[2] iti uneg bassit iti Probinsia ti Morobe. Tinawtawagan pay ti Mato kadagiti nagan a kas ti Nenaya, Nengaya, ken Nineia.[2] Ti Mato ket addaan kadagiti dua a karuay, ti Tabares ken Remuk, ken dagitoy a karuay ket naisasaoda kadagiti tallo a sabali a purok. Bayat a ti Mato ket napalikmutan babaen dagiti nadumaduma a pagsasao, daytoy ket awan ti epektona kadagiti panagbaliw iti gramatika iti kaunegan dagiti pagbeddengan ti Mato. Ti kasaad ti lingguistiko ket natalinaay unay, gapu ti heograpikal a pannakaisina ti tattao a Mato.[3]
