Luek Macajalar

Luek Macajalar
Buya ti luek manipud iti Opol
Luek Macajalar Lokasion iti kaunegan ti Filipinas Ipakita ti mapa ti Mindanao Luek Macajalar Luek Macajalar (Filipinas) Ipakita ti mapa ti Filipinas
Lokasion	Misamis Oriental
Nagsasabtan	8°35′25.08″N 124°39′12.96″ENagsasabtan: 8°35′25.08″N 124°39′12.96″E
Parte ti	Baybay Bohol
Dagiti pagtaengan	Alubijid Balingasag Binuangan Cagayan de Oro El Salvador Jasaan Lagonglong Laguindingan Opol Salay Tagoloan Villanueva

Ti Luek Macajalar ket ti adalem a danum a luek ti Baybay Bohol a mabirukan iti amianan ti probinsia ti Misamis Oriental iti Isla ti Mindanao, iti akin-abagatan a parte ti Filipinas. Ti Siudad ti Cagayan de Oro ket isu ti rehional a sentro ti Akin-amianan a Mindanao (Rehion X) ken mabirukan daytoy iti maysa kadagiti naadalem ti danum a pagsangladanna. Dua pulo ket dua kadagiti ili ti Misamis Oriental ket agbibingayda iti igid ti baybay iti luek.

Pannakadadael ti enbironmento

Iti patingga dagiti tawen ti 1980, nakasanay ti napardas ti irarang-ay iti ekonomia ti rehion ti Akin-amianan a Mindanao gapu ti panagtutumpong dagiti dua a banag: irarang-ay ti impraestruktura, dagiti iyaakar gapu kiti suppiat kadagiti sabali a parte ti Mindanao ken ti iya-adu iti ipaay a puonan gapu kadagiti plano ti panagrang-ay para iti pannakapundar iti baro nga Industrial a Koridor ti Cagayan de Oro-Iligan. Kadagitoy, ti enbironmento ken dagiti pagbiagan dagiti lokal wenno tradisional a komunidad ti panagtalon ken panagkalap ket nakasanayda iti naro a pangta ken dislokasion.^[1]

Kadagiti tawen ti tengnga a 1980, ti Akin-amianan a Mindanao ket limtaw a nagbalin a maysa kadagiti tallo a nangruna sentro ti irarang-ay iti akin-abagatan a Filipinas, a ti Siudad ti Cagayan de Oro a kas ti sentro ti komersio ken industria. Ti igid tibaybay a siudad ti Cagayan de Oro, a mangisango iti Luek Macajalar, ket nagbalin a nangruna nga industrial a puerto ken ti maysa a pagserrekan a punto para kadagiti baro nga umak-akar ken dagiti mangitataeng. Manipud iti maika-3 a Klase a Siudad kadagiti tawen ti 1970, ti populasion ti Cagayan de Oro ket immado iti gangani a gudua riwriw babaen dagiti tawen ti naladaw a 1990. Ngem ti napardas nga irarang-ay ti ekonomia ket gapuanan pay ti immadu a panagpatta iti daga, di-legado a panagtarikayo, panagpirata iti baybay, dagiti sanay ti makadadael a panagkalap ken panagmina, panagrugit iti panaglauag ken industria.^[2][3]

Ita nga aldaw, ti kaadda dagiti adu a proyekto ti industria idiay ken iti likmut ti Siudad ti Cagayan de Oro, ket agtultuloy a mangiyasngaw kadagiti adu a gatad iti rugit iti luek.

Dagiti nagibasaran

1. "Task Force Macajalar in Northern Mindanao, page 3" (PDF). Naiyarkibo manipud iti kasisigud (PDF) idi 2011-05-26. Naala idi 2018-09-28.
2. "Task Force Macajalar in Northern Mindanao" (PDF). Naiyarkibo manipud iti kasisigud (PDF) idi 2011-05-26. Naala idi 2018-09-28.
3. The Dying Macajalar Bay (Sunstar.com article) Naiyarkibo Agosto 20, 2009, iti Wayback Machine

Daiti akinruar a silpo

• Task Force Macajalar Naiyarkibo 2011-05-26 iti Wayback Machine
• Cagayan de Oro-Macajalar Bay Lion's Club