J

Ti J ket ti maika-10 a letra iti alpabeto a Romano.

J
Abesedário a Latin
Aa	Bb	Cc	Dd	Ee	Ff	Gg
Hh	Ii	Jj	Kk	Ll	Mm	Nn
Oo	Pp	Qq	Rr	Ss	Tt	Uu
Vv	Ww	Xx	Yy	Zz

Pakasaritaan

Heroglipiko nga Ehipsio	Penisio nga Yodh	Lumaud a Griego nga Iota	Etrusko nga I	Latin nga I	Latin a J

Ingles a libro kadagiti ubbing manipud idi 1743, a mangipakita a ti "I" ken "J" ket maibilang a maymaysa a letra.

Idi damo, ti "J" ket sabali a kita ti "I" (swash iti Ingles), a nausar para iti letra nga I iti ngudo dagiti numnumero a Romano, kas pagarigan XXIIJ wenno xxiij (imbes a XXIII wenno xxiii) tapno mangirepresentar iti beintitres. Rimmuar ti maysa a naisangsangayan a panagusar iti Tengnga a Nangato nga Aleman.^[1]

Ni Gian Giorgio Trissino (1478–1550) ket immuna a nalawag a nangilasin iti I ken J kas mangirepresentar kadagiti agduduma a uni, iti librona nga Ɛpistola del Trissino de le lettere nuωvamente aggiunte ne la lingua italiana ("Ti surat ni Trissino maipapan kadagiti kaudian a nainayon a letra iti pagsasao nga Italiano") idi 1524.^[2]

Idi damo, ti "I" ken ti "J" ket agduduma a porma ti isu met laeng a letra, nga agpada a mangirepresentar iti /i/, /iː/, and /j/; nupay kasta, nagparang-ay dagiti sasao a Romanse iti dagiti baro a uni (manipud iti dati nga /j/ and /ɡ/) a nairepresentar idi agangay kas "I" ken "J".

Dagiti nagibasaran

1. "Wörterbuchnetz" (iti Aleman). Naiyarkibo manipud iti kasisigud idi 4 March 2016. Naala idi 22 December 2016.
2. De le lettere nuωvamente aggiunte ne la lingua Italiana iti Italiano a Wikisource.