Iti pagsasao nga Arabiko, ti "Islam" ket balikas a nagtaud iti tallo-a-letra a ramut a sao nga S-L-M, a kayatna a sawen ket "agtulnog a sitatalna; sumuko; agtungpal; kappia." Ti Islam ket berbo nga abstrakto daytoy a ramut a sao a ti literal a kaipapananna ket "panagtulnog/panagtungpal," a maipapan iti panagtungpal iti Dios.
Dagiti pasurot ti Islam, a maawagan kas Muslim, ket mamatida a ti Dios (wenno Allāh ket imbutaktakna ti dagus a balikasna para iti sangkataoan ken ni Muhammad (circa 570–632) ken dadduma pay a propeta, a pakairamanan ni Adan, Noe, Abraham, Moises, ken Jesus.
