Bulkan Cagua

Bulkan Cagua
Bulkaniko a butbut ti datar ti abut ti bullkan ti Bantay Cagua.
Kangatuan a punto
Kangato	1,133 m (3,717 ft) [1]
Nagsasabtan	18°13′18″N 122°07′24″ENagsasabtan: 18°13′18″N 122°07′24″E
Heograpia
Bulkan Cagua Mapa ti Filipinas
Lokasion	Gonzaga, Cagayan, Filipinas
Nagannak	Sierra Madre
Heolohia
Tawen ti bato	Pleistoseno
Kita ti bantay	Estratobulkan
Bulkaniko nga arko	Paset ti Babuyan (Bashi) nga Arko ti Luzon-Taiwan
Naudi a bimtak	1907

Ti Bulkan Cagua ket maysa kadagiti aktibo a bulkan iti Filipinas. Daytoy ket naminduan a nagbettak iti nairehistro a pakasaritaan.

Heograpia

Ti Bulkan Cagua ket maysa kadagiti aktibo a bulkan ti Filipinas, ken mabirukan daytoy idiay probinsia ti Cagayan. Daytoy ket naisanglad idiay rehion ti Tanap ti Cagayan , iti akin-amianan nga isla ti Luzon. Daytoy ket mabirukan iti akin-amianan unay a paset ti kabambantayan ti Sierra Madre,^[2] ken naisanglad iti rehion ti aktibo a bulkanismo a mabalin a nagtaud manipud iti tukki a nagbaetan ti Is-isla ti Babuyan ken Luzon.^[3] Urayno ad-adu ti makitkita a rehistro ti seismiko ti nagbaetan ti amianan a daya a Luzon ken ti is-isla, dagiti bulkan adda pay met iti amianan a laud a bangir ti isla. Ti ebidensia ti pakainaigan a nagbaetan dagiti dua nga isla ket mairaman dagiti aglomerado manipud kadagiti nadumaduma a bulkan ken dagiti bisel ti andesitika a lava iti amin a paset ti rehion.^[3]

Heolohia

Ti aktibidad ti nasapa a Pleistoseno a panagbettak ket basaltiko andesita wenno epusion a basalto. Ti bulkan ket naabbongan idi babaen ti adu a panagayus ti lava manipud idi 600,000 aginggana idi 300,000 a tawtawen. Daytoy ket nakakitan iti aktibidad a sumakop kadagiti preatiko a panagbettak ken ayus ti dapo. Ti bulkan ket natuktukan iti 1.5 kilometro (1 mi) a kalawa nga abut ti bulakan.

Daytoy ket addaan kadagiti innem a napudot nga ubbog. Ti Maasok iti asideg ti abut ti bulkan; ti Marafil iti amianan a laud; ti Manaring, 5 kilometro (3.1 mi) ti amianan-amianan daya; ti San Jose, 10 km (6.2 mi) ti amianan-amianan daya; Kabinlangan, 3 km (1.9 mi) amianan a laud ken ti Paminta, 2 km (1.2 mi) ti amianan-amianan a laud.

Aktibidad a panagbettak

Dagiti dua a naipakasaritaan a panagbettak ket napasamak iti daytoy a bulkan. Ti aktibidad idi 1860 ket kaaduan idi a preatiko ngem mabalim met a sinaruno babaen ti piroklastiko nga ayus. Dagiti kabarbaro solpatariko a panagbettak ket napasamak idi 1907.

Kitaen pay

• Dagiti aktibo a bulkan ti Filipinas
• Dagiti mabalin nga aktibo a bulkan ti Filipinas
• Dagiti di aktibo a bulkan ti Filipinas
• Instituto ti Filipinas iti Bulkanolohia ken Sismolohia
• Bulkan

Dagiti nagibasaran

1. "Cagua". Programa ti Global a Bulkanismo (iti Ingles). Instituto ti Smithsoniano.
2. "gonzaga.gov.ph". Naiyarkibo manipud iti kasisigud idi 2014-12-05. Naala idi 2014-01-24.
3. Opisina ti Siensia ti Filipinas, p. 15.

Dagiti akinruar a silpo

Dagiti midia a mainaig iti Bulkan Cagua iti Wikimedia Commons

• "Panid ti Bulkan Cagua". Instituto ti Filipinas iti Bulkanolohia ken Sismolohia (PHIVOLCS). Naiyarkibo manipud iti kasisigud idi 2010-01-17. Naala idi 2014-01-24.