Ti Bantay Bongao (ammo pay a kas Bud Bongao) ket ti bantay a mabirukan iti Isla Bongao iti probinsia ti Tawi-Tawi. Daytoy ket maysa a bantay a binukel dagiti innem nga adigi ti apug a bato nga agserbi a kas dagiti 6 a pantokna.
Ti Bud Bongao ket mabirukan iti uneg ti Parke ti Eko-Turismo ti Pantok Bongao a naisibbo idi Hulio 3, 2017.[2] Daytoy ket 250-ektaria a bakir a maysa kadagiti naudi a nabati a nadam-eg a bakir iti Purpuro ti Sulu.[3]
Ti bantay ket naikeddeng a sagrado a naipampamattian a dagiti dua a manangaskasaba[4] a dagus a simmursurot ken ni Karim ul-Makhdum, ket naipumponda iti makunkuna a Batbato ti Tampat[3], ngem sagrado metten daytoy a lugar uray idi sakbay a simmangpet ti Islam. Inyeg ni Karim ul-Makhdum ti Islam iti Filipinas idi 1380.[5]
Dagiti pisikal a pakailasinan
Ti Bud Bongao ket buklen dagiti innem nga adigi ti apug a bato a mangbukel kadagiti innem a pantokna, nga agserbi a kas dagiti punto apagbuyaan para kadagiti isla ken dagiti lokasion a nakainagananda.[4] Dagitoy a pantok ket ti Bongao, Pajar, Sibutu (pantok), Simunul, Tambisan, ken Tinondakan.[1]
Aktibidad ti pannagna
Malaksid a kas maysa a sagrado a bantay, ti Bud Bongao ket nadayeg paya kadagiti agpagpagna. Nabangonen ti 3,608 nga addang a bato a dalan [4] manipud iti pagrugian iti Baranggay Pasiagan nga agpatingga iti pagbuyaan a kadsaaran a nabangon iti Pantok Tambisan. Ti pagbuyaan a kadsaaran ket makaited ti punto a pagtan-awan iti Baybay Celebes ken Isla Tambisan iti Sabah iti 317 metro (1,040 ft) iti ngato ti pantar ti baybay.[1]
Endemiko a fauna
Dagiti sunggo nga endemiko iti Bud Bongao ket mairaman ti Macaca fascicularis.[4]
Dagiti nagibasaran
Dagiti akinruar a silpo
Dagiti midia a mainaig iti Bantay Bongao iti Wikimedia Commons
.svg)
.svg)
