Kaaduan a naggigian it ipropesional a biagna iti panagadal kadagiti mula iti Abagatan a daya nga Asia, nagtaeng idiay Buitenzorg, ken kalpasanna idiay Bogor, Indonesia. Iti nasapa nga agpang iti pagbiaganna, nakaited pay kadagiti panagtrato ti pamilia ti Flora of Suriname ni Pulle. Naipangpangruna a nagay-ayat ni Kostermans iti Lauraceae, Malvales (Bombacaceae ken Sterculiaceae), ken Dipterocarpaceae. Kadagiti kanungpalan a tawen nangiturong it ipanagayatna iti Anacardiaceae ti Asia. Produktibo idi isuana nga agob-obra ken ekstensibo a nangipablaak kadagitoy ket kadagiti sabali a grupo.
Ti henero ti Kostermansia Soegeng, iti pamilia ti Bombacaceae, kendagiti sumurok a 50 a sebbangan ket nainaganan akas pammadayaw kaniana.
Nagsagaba iti atake ti puso ni Kostermans idi Marso 1991, ngem ti suratna iti gayyemna a naisurat idi Abril 1991 ket nagkunkuna a "sumagmamano a panagsursurat (a mairaman) a nakaikabil iti panangleppas iti napuskol a manuskrito dagiti sebbangan ti Mangga (69 a sebbangan) … No magasatanak addanto gasatko a makakita iti daytoy." saan a nagbiag tapno makita ni Kostermans a maipablaak daytoy babaen ti Academic Press idi 1993. Pimmusay isuna idiay Indonesia idi 1994.
