Un valuta[1] o numerario es un unitate monetari de intercambio, que facilita le transferentia de benes e servicios. Illo es un forma de moneta, ubi es definite como un medio de intercambio (e non como immagazinage de valores). Un zona de valuta es un pais o un region in le qual un specific valuta es le medio dominante de intercambio. Per facilitate le commercio inter zonas de valuta , il ha taxas de intercambio, que es le precios al qual le valutas pote esser intercambiate.
Le valuta pote esser de typo valuta flottante o valuta fixe.
Alcunes paises ha le mesme nomine pro lor valutas. Per exemplo, Canada ha le dollar canadian e le Statos Unite ha le dollar american. Similemente, alcunes paises usa le valutas de altere paises in vice de lor proprie, typicamente con le objectivo de attinger stabilitate economic, control del inflation e attraher investitiones estrange. Per exemplo, Ecuador ha le dollar american e Zimbabwe ha plure valutas, includente le dollar american, le libra sterling, le dollar australian, le yen japonese e le renminbi chinese. Altere paises usa le mesme valuta, como le membros del zona euro.
Le fraction del valuta , que es un altere valuta con su proprie Appellation, es typicamente 1/100, sed on usa anque altere poteres de dece, como 1/10 e 1/1000. Iste "systema decimal" de unitates cuje ration es un potere de dece, que era prime adoptate in le SUA, era create per le politico statounitese Thomas Jefferson[1] pro reimplaciar le systemas previe que usava varie ratios confusante. Pro exemplo, in le unitates le plus commun del systema traditional anglese il habeva quatro farthings ("quartieros") al penny, 12 pence al shilling, e 20 shillinges al libra sterling; il habeva altere unitates alsi como quatro pence al groat, cinque shillinges al corona, e 21 shillinges al guinea.
Mauritania e Madagascar ha un systema non decimal de division, ma in practica illos non usa iste subdivision a causa del inflation.
Galeria
Vide etiam
Referentias
- ↑
Derivation:
Entitates:
1. (it) Valuta ||
2. (es) Moneda (divisa) ||
(pt) Moeda ||
3. (fr) Devise (monnaie) ||
4. (en) Currency ||
Controlo:
(de) Währung ||
(ru) Валюта ||
- (Extra): (la) Moneta (pecunia)
