Le Prension del Bastille[1], IPA: [bastij], era un evento importante durante le Revolution francese. Le 14 de julio 1789, un multitude de demonstratores expugnava le Bastille in Paris.
Le Bastille era un fortalessa, barraca, arsenal e prision in Paris del est. Illo era plus famose pro su rolo como un prision del inimicos del monarcha. Le numero de prisioneros habeva declinava durante le regnos de Ludovico XV e Ludovico XVI e il habeva solmente septe prisioneros durante le prension, e le majoritate non era prisioneros politic. Nonobstante, le fortalessa era un symbolo impopular del monarchia absolute e de su authoritate in le citate.
Le insurrection se erumpeva post un schisma inter le familia regal e le deputatos eligite del Statos General, qui se appellava le Assemblea national. Le assemblea era presertim popular in Paris, ubi le gente prestava attention a lor debattos con interesse. Le 11 julio, Ludovico XVI cambiava su politica. Ille destitueva su ministros liberal, inclusive le ministro popular Jacques Neckar, e nominava ministros conservative. Quando le nova del destitution de Neckar arrivava a Paris, le gente timeva que le rege vadeva supprimer le assemblea. Iste causava agitation major, inclusive violentia, que culminava quando le Bastille era attaccate tres dies plus tarde. 98 insurgitos e un defensor moriva durante le prension succedite. Circa sex o octo defensores era assassinate post le prension, inclusive Bernard-René Jourdan de Launay, le governator del Bastille.
Le prension es un momento symbolic quando Ludovico XVI perdeva controlo del pais. Depost, ille capitulava e recognosceva le authoritate del assemblea. Le Bastille era demolite ante le fin del anno. Le loco nunc es un placia public (Place de la Bastille), con un monumento al prension e un profilo del sito del fortalessa super le pavimento. Le die del prension es le die national de Francia.
Referentias
- ↑
Derivation:
Entitates:
1. (it) Presa della Bastiglia ||
2. (es) Toma de la Bastilla ||
(pt) Tomada da Bastilha ||
3. (fr) Prise de la Bastille ||
4. (en) Storming of the Bastille ||
Controlo:
(de) Sturm auf die Bastille ||
(ru) Взятие Бастилии ||
- (Extra): (la)
