Le linguas slave es un gruppo de linguas in le familia de linguas indoeuropee, parlate principalmente in Europa Central e Oriental. Illos descende del lingua proto-slave, que gratias al grande expansion des Slaves a mediatate del prime millennio fragmentava se in varie dialectos regional. Le linguas slave divide se in tres subgruppos: le linguas slave occidental, oriental e meridional. Con plus que 300 milliones parlatores, illo es le tertie gruppo indoeuropee, seque le linguas germanic e le linguas romanic. Le plus grande lingua slave es le russo, lingua maternal de ca. 160 mln. homines.
Sovente on parti del hypothese, que il ha un parentato plus grande inter le linguas slave e le linguas baltic, mesmo que il habeva un proto-lingue balto-slave.
Le linguas slave ha non solmente un grammatica multo simile, ma anque un grande similantia in vocabulario. Illo demonstra, que illos esseva separate del lingua proto-slave in un tempore relativemente recente. Generalmente il non ha un demarcation nette inter linguas adjacente; inter illos son large zonas con dialectos transitori e factualmente le linguas slave son un grande continuum linguistic. Illo es visible particularmente in le caso del linguas slave meridional.
Tote le linguas slave ha charactericas commun distinte:
un morphologia characterisate per flexion; le majoritate del linguas slave ha sex o septe casos
division in verbos perfective e imperfective (aspecto lexical)
palatalisation phonemic (mollification de consonantes)
complicate agglomeratos consonantic a causa del disparition del jeres (vocales ultrabreve)
Classification
Il existe varie classificationes del linguas slave, sed le plus acceptate es un classification in tres gruppos. Le plus grande problema es le question quando nos ha a facer a un dialecto o a un lingua separate. Le classification sequente es super le basa del SIL.[1]
