Ֆիլիպ II Օգոստոս

Անվան այլ կիրառումների համար տե՛ս՝ Ֆիլիպ II (այլ կիրառումներ)

Ֆիլիպ II Օգոստոս
Ծնվել է՝	օգոստոսի 21, 1165[1]
Ծննդավայր	Փարիզ
Մահացել է՝	հուլիսի 14, 1223[1] (57 տարեկան)
Վախճանի վայր	Մանտ լա Ժոլի
Սեն Դենի աբբայություն
Երկիր	Ֆրանսիա
Տոհմ	Կապետինգներ
գերիշխան
Հայր	Լուի VII[2]
Մայր	Ադել Շամպայնացի[2]
Երեխաներ	Լուի VIII[2], Marie of France, Duchess of Brabant?[2], Ֆիլիպ I Յուրպել և Peter Karlotus?
Հավատք	քրիստոնեություն
Առողջական վիճակ	միակնություն

Ֆիլիպ II Օգոստոս (ֆր.՝ Philippe Auguste, օգոստոսի 21, 1165^[1], Փարիզ - հուլիսի 14, 1223^[1], Մանտ լա Ժոլի), Ֆրանսիայի թագավոր 1180 թվականից։ Կապետինգների դինաստիայից։

Հենվելով մանր և միջին ֆեոդալիզմի, եկեղեցու վրա, դաշնակցելով քաղաքների հետ (դոմենից դուրս գտնվող քաղաքներին լայնորեն շնորհել է քաղաքային ազատություններ)՝ վարել է Ֆրանսիայի միավորման և պետական իշխանության կենտրոնացման քաղաքականություն։ 1186 թվականին իր դոմենին է միացրել Վերմանդուան, 1189 թ.-ին՝ Բերրիի և Ռեյմսի դքսությունները, 1202-1206 թթ.-ին անգլիացիներից վերանվաճել է Նորմանդիան, Մենը, Անժուն, Տուրենը, Պուատուի մեծ մասը։

1206 թվականի պայմանագրով Անգլիան հրաժարվել է Լուարից հյուսիս ընկած ֆրանսիական հողերից։ Այնուհետև իր դոմենին է միացրել Օվերնի (1213), Արտուայի (1214) կոմսությունները, ապա՝ Լանգեդոկը։ Ֆիլիպ II Օգոստոսն իրականացրել է վարչական և ֆինանսական մի շարք բարենորոգումներ։ 1189-1191 թվականներին խաչակրաց 3-րդ արշավանքի առաջնորդներից էր։

Ծանոթագրություններ

1. Lundy D. R. The Peerage
2. Kindred Britain

Վիքիպահեստն ունի նյութեր, որոնք վերաբերում են «Ֆիլիպ II Օգոստոս» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։