Քրիստիան Անտիդորմի

Քրիստիան Անտիդորմի
Ծննդյան թիվ՝	մայիսի 20, 1992(1992-05-20) (32 տարեկան)
Ծննդավայր՝	Սիդնեյ, Ավստրալիա
Քաղաքացիություն՝	Ավստրալիա
Մասնագիտություն՝	դերասան, կինոդերասան և հեռուստատեսային դերասան
IMDb։	ID 3274340

Քրիստիան Անտիդորմի (անգլ.՝ Christian Antidormi, մայիսի 20, 1992(1992-05-20), Սիդնեյ, Ավստրալիա), ավստրալիացի դերասան։ Առավել հայտնի է «Երբ ղողանջում է զանգակը», «Ճանապարհ դեպի տուն» և ամերիկյան «Սպարտակ։ Անիծյալների կռիվը» հեռուստասերիալներում կատարած դերերով։

Կյանք

Ծնվել և մեծացել է Սիդնեյի հարավային արվարձանում։ Նա 14 տարի խաղացել է ֆուտբոլ (ֆուտբոլ) և ակտիվորեն մասնակցել կարատեի, լողի և թենիսի պարապմունքների։ Դրամատիկական արվեստի և հիփ հոփ պարի նկատմամբ իր սերը բացահայտել է 15 տարեկանում։ Հիփ հոփի նկատմամբ նրա հետաքրքրությունը և տաղանդը հանգեցրին նրան, որ նա սկսեց նկարահանվել բեմական ներկայացումներում և երաժշտական տեսահոլովակներում, նաև սկսեց մասնակցել մրցույթների, հատկանշական է եղել Քեյսի Դևիսի «I Like it Loud» երաժշտական տեսահոլովակում նկարահանվելը և ավստրալիական ազգային պարային Peter Oxford-Showcase մրցույթում սոլո դերով ելույթը։

Արվեստի հանդեպ Անտիդորմիի կիրքը ստիպել է նրան զբաղվել երգեցողությամբ, ինչպես նաև դառնալ կես դրույքով հիփ-հոփ ուսուցիչ Սիդնեյի իր նախկին պարային դպրոց All Starz Performing Arts Studio-ում։ Անտիդորմին գնացել է կինոյի և հեռուստատեսության ուղիով և մասնակցել դերասանական բազմաթիվ դասընթացների Ավստրալիայի առաջատար դերասանական դպրոցների TAFTA-ում (Ավստրալիական կինոյի և հեռուստատեսության ակադեմիա) և Ավստրալիայի երիտասարդական թատրոնում։

Կարիերա

Դերասանական դեբյուտը կատարել է 2008 թվականին Ավստրալիական հեռուստատեսության AFI մրցանակի արժանացած «Կեղծ վկայություն» մինի սերիալում^[1], պրոդյուսերավորումը կատարել է Screentime Australia-ն ավստրալիական բաժանորդագրություն ունեցող UK.TV հեռուստաալիքի համար և հեռարձակվել է ողջ աշխարհով։

2009 թվականին Անտիդորմին ստացել է իր բեկումնային դերը հեռուստատեսությունում՝ նկարահանվելով Disney Channel-ի տեղական արտադրության կարճամետրաժ կատակերգական «Ինչպես է ղողանջում զանգակը» հեռուստասերիալում։ Անտիդորմին նկարահանվել է 3-րդ և 4-րդ սերիաներում, որոնք հեռարձակվել են Foxtel/Austar հեռուստաալիքով 2010/2011 թվականներին։

Հայտնվել է երկու կարճամետրաժ ֆիլմերում՝ «Ես լրտես եմ»^[2] և «Դրախտ»^[3], նաև դերակատարում է ունեցել որպես հյուր դերասան Seven Networks-ի «Տանը և հեռվում» օճառային օպերայում՝ Ջեյդեն Փոսի դերով։

2012 թվականի հուլիսին Անտիդորմին խաղացել է Տիբերիուսի՝ Մարկուս Կրասոսի որդու դերը ամերիկյան պատմական մարտական «Սպարտակ։ անիծյալների պատերազմը» հեռուստասերիալի չորրորդ և եզրափակիչ եթերաշրջանում։

Նա լուսանկարվել է «Լոգարանում» վերնագրով փոքրիկ սեղանի գովազդի համար (լուսանկարել և ղեկավարել է «Սպարտակի» տնօրեն Թի Ջեյ Սքոթը)։ Այս սեղանի վաճառքի ողջ հասույթը տրամադրվում է 2013 թվականի Կրծքագեղձի քաղցկեղի հիմնադրամին։

Ֆիլմագրություն

Տարի	Վերնագիր	Դեր
2008	Կեղծ վկայություն	Փողոցի տղա
2009-2011	Երբ զանգը ղողանջի 3	Վինս
2010	Քայլ առ քայլ	Առաջնորդ
	Երբ զանգը ղողանջի	Վինս
2011	Ես լրտես եմ	Քրիս
2012	Դրախտ	Լեո
	Տուն և այլուր	Ջայդեն Փոստ
	Սպարտակ։ Անիծվածների կռիվ	Տիբերիուս Կրասոս
2014–ներկա	Ամառային ճամբար	Քևին
2015	Սթրայքի վերադարձը։ Ժառանգություն	Ֆին
2020–ներկա	Ռոզուել, Նյու Մեքսիկո	Ֆորեսթ Լոնգ

Ծանոթագրություններ

1. «The Diplomat (TV Movie 2009) - IMDb».
2. «Home». Արխիվացված է օրիգինալից 2013 թ․ փետրվարի 16-ին. Վերցված է 2022 թ․ հունվարի 21-ին.
3. «Pride 'Short Film'».

Արտաքին հղումներ

Քրիստիան Անտիդորմի Internet Movie Database կայքում

Վիքիպահեստն ունի նյութեր, որոնք վերաբերում են «Քրիստիան Անտիդորմի» հոդվածին։