Քինգսթոն (Նյու Յորք)

Բնակավայր
Քինգսթոն
անգլ.՝ City of Kingston
Երկիր	ԱՄՆ
Համայնք	Օլստեր շրջան
Մակերես	22,713303 կմ², 22,723725 կմ²
ԲԾՄ	145±1 մետր
Բնակչություն	▲24 069 մարդ (ապրիլի 1, 2020)[1]
Հեռախոսային կոդ	845
Փոստային դասիչ	12401
Պաշտոնական կայք	kingston-ny.gov​(անգլ.)
Քինգսթոն (Նյու Յորք) (ԱՄՆ)
Քինգսթոն Վիքիպահեստում

Քինգսթոն, քաղաք ԱՄՆ Նյու Յորք նահանգում։ Գտնվում է Նյու Յորքից 146 կմ հյուսիս՝ Հուդզոն գետի երկայնքով։ Քաղաքը Օլսթերի շրջանի կենտրոնն է^[2]։

Պատմություն

Քաղաքն առաջին անգամ հիշատակվել է 1614 թվականին՝ որպես հոլանդական փոքր առևտրային կետ Հուդզոն և Էսոպուս գետերի միախառնման վայրում։ 1653 թվականին հոլանդացիներն այստեղ հիմնել են փոքրիկ գյուղ, որը կոչվում էր Էսոպուս (հետագայում՝ Wiltwyck, անգլ.՝ Wild woods)։

1777 թվականին Քինգսթոնը դարձել է Նյու Յորք նահանգի առաջին մայրաքաղաքը։ Սարատոգայի ճակատամարտից կարճ ժամանակ անց քաղաքն ամբողջությամբ այրվել է բրիտանական զորքերի կողմից։ 1797 թվականին մայրաքաղաքը տեղափոխվել է Օլբանի^[3]։

Աշխարհագրություն

Քաղաքի ընդհանուր մակերեսը կազմում է 22,4 կմ², գտնվում է Հուդզոն գետի արևմտյան ափին։

Քինգսթոնը ոչ պաշտոնապես բաժանված է 3 թաղամասի՝ ափթաուն, միդթաուն և դաունթաուն։ Քաղաքում անցկացվում են տարբեր փառատոններ, ինչպիսիք են՝ Քինգսթոնի ջազ փառատոն, Բրիտանական զորքերի կողմից քաղաքի ոչնչացում (իհարկե, առանց քաղաքի շենքերը քանդելու)։

Հայտնի անձինք

• Ջոն Վանդերլին (1775-1852)՝ ամերիկացի նկարիչ

Ծանոթագրություններ

1. 2020 թվականի ԱՄՆ մարդահամար / United States Census Bureau
2. New York-Newark, NY-NJ-CT-PA Combined Statistical Area Արխիվացված 2014-12-29 Wayback Machine, United States Census Bureau. Accessed December 28, 2014.
3. «Census - Geography Profile: Kingston city, New York». United States Census Bureau. Վերցված է 2022 թ․ հունվարի 11-ին.

Արտաքին հղումներ

• Քաղաքի պաշտոնական կայք