Տիկնիկների և խաղալիքների թանգարան (Տաուբերի Ռոտենբուրգ)

Տիկնիկների և խաղալիքների թանգարան
Տեսակ	բնակելի տուն
Երկիր	Գերմանիա
Տեղագրություն	Տաուբերեի Ռոտենբուրգ
Հասցե	Hofbronnengasse 13

Տիկնիկների և խաղալիքների թանգարան, գերմանական և ֆրանսիական խաղալիքներին նվիրված թանգարան^[1]։ Թանգարանը տեղակայված է Գերմանիայի Տաուբերեի Ռոտենբուրգ քաղաքում՝ Hofbronnengasse 13 հասցեում^[2]։

Պատմություն

Տիկնիկների և խաղալիքների թանգարանը բացվել է 1984 թվականին Գերմանիայի Տաուբերեի Ռոտենբուրգ քաղաքում։ Այս իրադարձությանը նախորդել է 30 տարիների ընթացքում հավաքած խաղալիքներից կոլեկցիա կազմելը։ Թանգարանը տեղակայված է հին, բայց բավականին լավ վերակառուցված միջնադարյան տանը։ Այնտեղ կարելի է տեսնել 800-ից ավելի տիկնիկ, որոնք հավաքվել էին թանգարանի բացմանը նախորդած 20 տարիների ընթացքում։ Թանգարանում ներկայացավծ է Գերմանիայի հին տիկնիկների և խաղալիքների հսկայական հավաքածու, այդ թվում՝ տիկնիկների խոհանոցներ, խանութներ, տիկնիկներ^[3]

Թանգարանի ցուցադրանմուշները թվագրված են 1780 թվականից մինչև 1940 թվականը։ Թանգարանի հարևանությամբ խանութ կա, որտեղ վաճառում են հնաոճ խաղալիքներ և գրքեր^[4]։

Թանգարանում ցուցադրանմուշներին հատկացված տարածքը կազմում է 400 մ²։ Ցուցադրությունը նվիրված է այն խաղալիքներին, որոնք ստեղծվել են գերմանացի և ֆրանսիացի վարպետների կողմից, երկու դարերի ընթացքում։

Տիկնիկների և խաղալիքների թանգարանն աշխատում է մարտից դեկտեմբեր ամիսներին՝ առավոտյան ժամը 9:30-ից մինչև 18:00, իսկ հունվարից փետրվար ամիսներին՝ առավոտյան ժամը 11:00-ից մինչև 17:00^[5]։

Թանգարանային էքսկուրսիոն այցի շրջանակներում կարող եք ականատես լինել տարատեսակ տիկնիկների, տիկնիկային ներկայացումների, ձեռքով պատրաստված խաղալիքների, տիկնիկների խոհանոցների, կարուսելների, ագարակների։ Թանգարանում տիկնիկների և խաղալիքների ցուցադրությունը ցույց է տալիս, թե ժամանակի ընթացքում ինչպես են փոխվել խաղալիքները և տիկնիկները, ինչպես նաև ներկայացնում է մշակութային և սոցիալ-պատմական տարբեր գործոնների ազդեցությունը վերջիններիս փոփոխության վրա^[6]։

Թանգարանի ցուցափեղկերի ցուցադրանմուշները ցույց են տալիս անցյալի պատմական տեսարանները։ Այդ խաղալիքների բազմաթիվ նախկին սեփականատերեր և արտադրողներ մինչ օրս անհայտ են^[6]։

Տաուբերեի Ռոտենբուրգի թանգարանը ներառված է «Մեծ և փոքր տիկնիկներ» գրքում ներկայացված «Աշխարհի ամենահետաքրքիր տինիկների թանգարաններ»-ի ցանկի մեջ^[7]։

Թանգարանի հեռախոսահամարն է՝ 09861-7330^[4]:

Պատկերասրահ

• 
• 

Ծանոթագրություններ

1. «Տեսարժան վայրեր» (PDF). Արխիվացված է օրիգինալից (PDF) 2013 թ․ օգոստոսի 18-ին. Վերցված է 2019 թ․ հուլիսի 4-ին.
2. «IMPRESSUM». Արխիվացված է օրիգինալից 2010 թ․ փետրվարի 15-ին.
3. «EDITORIAL VERGANGENHEIT TRIFFT GEGENWART». Արխիվացված է օրիգինալից 2010 թ․ փետրվարի 15-ին.
4. Munich and Bavaria Adventure Guide, 2011
5. «Достопримечательности» (PDF). Центр туристической информации Ротенбурга. Արխիվացված է օրիգինալից (PDF) 2013 թ․ օգոստոսի 18-ին.
6. «RUNDGANG - LEBENDIGE VERGANGENHEIT». Արխիվացված է օրիգինալից 2011 թ․ փետրվարի 2-ին.
7. Куклы большие и маленькие, 2014, էջ 9

Գրականություն

• Мудрагель Лидия Куклы большие и маленькие. Копии старинных кукол своими руками. — СПб: Питер, 2014. — 128 с. — ISBN 978-5-496-01066-5
• Henrik Bekker Munich and Bavaria Adventure Guide. — Hunter Publishing, 2011.