Ռուբեն Սահակյան (ճարտարապետ)

Վիքիպեդիայում կան հոդվածներ Սահակյան ազգանունով այլ մարդկանց մասին։
Անվան այլ կիրառումների համար տե՛ս՝ Ռուբեն Սահակյան (այլ կիրառումներ)
Ռուբեն Սահակյան
Ծնվել էօգոստոսի 6, 1937(1937-08-06)[1] (87 տարեկան)
ԾննդավայրԼենինական, Հայկական ԽՍՀ, ԽՍՀՄ[1]
Ազգությունհայ
ԿրթությունՀԱՊՀ (1961)[1]
Պարգևներ
ԱնդամությունԽՍՀՄ ճարտարապետների միություն[1] և Հայաստանի ճարտարապետների միություն

Ռուբեն Հովհաննեսի Սահակյան (օգոստոսի 6, 1937(1937-08-06)[1], Լենինական, Հայկական ԽՍՀ, ԽՍՀՄ[1]), ճարտարապետ, շինարար։

Ճարտարապետ Ալեքսանդր Սահակյանի եղբայրը։

Կենսագրություն

Ռուբեն Սահակյանը ծնվել է 1937 թվականի օգոստոսի 6-ին, Լենինականում[2]։ Նա ճարտարապետ-շինարար Ալեքսանդր Սահակյանի եղբայրն է։ Ռուբենը 1961 թվականին ավարտել է Երևանի պոլիտեխնիկական ինստիուտը։ Իր և եղբոր աշխատությունները վերաբերում են հարկերի և ծածկերի բարձրացման մեթոդով շենքերի և կառույցների շինարարության պրոբլեմներին։ Եղբոր հետ գիտականորեն հիմնավորել և գործնականում ապացուցել են հարկերի և ծածկերի բարձրացման մեթոդով բարձրահարկ շենքերի կառուցման արդյունավետությունը։ Նրանք ստեղծել այդ մեթոդի ճարտարապետական-կոնստրուկտիվ և տեխնոլոգիական նոր միասնական համակարգ։

60-ից ավելի գյուտերի հեղինակ են։ 1965 թվականին դարձել է ԽՍՀՄ ճարտարապետների և Հայաստանի ճարտարապետների միության անդամ։ 1971 թվականից տեխնիկական գիտությունների թեկնածու է։ 1978 թվականից ՀԽՍՀ վաստակավոր գյուտարար է։ 1978 թվականին Երևանում ստեղծվել է Համամիութենական նախագծային տեխնոլոգիական ինստիուտ։ Այնտեղ մշակված աշխատանքների արագ ներդրման համար 1983 թվականին ստեղծվել է «Բարձրշին» մասնագիտացված տրեստ։ Նրանց հարկերի և ծածկերի բարձրացման մեթոդը լայնորեն կիրառվել է Խորհհրդային Միության տարբեր քաղաքներում[2]։ Այդ մեթոդով Երևանում կառուցվել է 24 հազար բնակչի համար նախատեսված օրինակելի-ցուցադրական շրջան (16 և 25 հարկանի բնակելի շենքեր, դպրոցական համալիրներ, պոլիկլինիկա, մանկապարտեզներ, բազմահարկ ավտոտնակ-կայանատեղեր)։

Մրցանակներ և կոչումներ

  • 1971 թվականին ստացել է տեխնիկական գիտությունների թեկնածուի աստիճան։
  • 1974 թվականին արժանացել է ՀԽՍՀ պետական մրցանակի։
  • «Պատվո նշան» շքանշան։
  • Ժողովուրդների բարեկամության շքանշան։
  • 1978 թվականին արժանացել է Հայաստանի վաստակավոր գյուտարարի կոչման։
  • 1984 թվականին արժանացել է ԽՍՀՄ Նախարարների խորհրդի մրցանակի[3]։

Ծանոթագրություններ

  1. ↑ 1,0 1,1 1,2 1,3 1,4 1,5 1,6 Հայկական սովետական հանրագիտարան, հատոր 10 (հայ.) — հատոր 10. — էջ 139.
  2. ↑ 2,0 2,1 «Zarkfoundation - Ռուբեն Սահակյան». zarkfoundation.com.
  3. ↑ «Члены союза». uaa.am. Արխիվացված է օրիգինալից 2019 թ․ օգոստոսի 6-ին. Վերցված է 2019 թ․ օգոստոսի 6-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 139)։

Strategi Solo vs Squad di Free Fire: Cara Menang Mudah!