Ռոբերտ Թովմասի Թովմասյան (հունվարի 3, 1964(1964-01-03), Կոտայքի մարզ, Հայաստան), Հայաստանի Հանրապետության Ազգային ժողովի նախկին պատգամավոր։
Կենսագրություն
Ռոբերտ Թովմասյանը ծնվել է 1964 թվականի հունվարի 3-ին Հրազդանի շրջանի (Կոտայքի մարզ) Ալափարս գյուղում[1]։ 1985 թվականին ավարտել է Երևանի պոլիտեխնիկական ինստիտուտի էլեկտրատեխնիկական ֆակուլտետը։ Ստացել է ինժեներ-էլեկտրամեխանիկի որակավորումը։ 1985-1987 թվականներին աշխատել է «Չարենցավանշին» տրեստում` որպես գլխավոր էներգետիկ, համատեղության կարգով դասավանդել է Չարենցավանի տեխնիկումում[2]։ 1987-1993 թվականներին եղել է «Էլեկտրոն» կոոպերատիվի հիմնադիրը և նախագահը[3]։ 1987-2004 թվականներին աշխատել է Չարենցավանի ավտոբեռնիչների գործարանում` որպես էներգետիկ, եղել է էլեկտրոնային տեխնիկայի բաժնի պետ, արդյունաբերական էլեկտրոնիկայի և ավտոմատացման բաժնի պետ, գլխավոր էներգետիկ, գլխավոր ինժեների տեղակալ, փոխտնօրեն, 2001-2007 թվականներին «Եղիցի լույս-ԲՀ» ՍՊԸ-ում եղել է գլխավոր տնօրեն։ 2002 և 2005 թվականներին ընտրվել է Չարենցավան համայնքի ավագանու անդամ։ Գյուտերի և օգտակար մոդելների հեղինակ է[4]։ 2007 թվականի մայիսի 12-ին ընտրվել է Ազգային ժողովի պատգամավոր թիվ 26 ընտրատարածքից[5]։
Անձնական Կյանք
Ամուսնացած է, ունի երկու երեխա։
Ծանոթագրություններ
