Ռոբերտ Եղյան

Վիքիպեդիայում կան հոդվածներ Եղյան ազգանունով այլ մարդկանց մասին։

Ռոբերտ Եղյան
Ծնվել է	1934
Ծննդավայր	Բաքու, ԱԽՖՍՀ, ԽՍՀՄ
Մահացել է	1965
Կրթություն	Երևանի պետական գեղարվեստա-թատերական ինստիտուտ
Մասնագիտություն	դերասան

Ռոբերտ Եղյան (1934, Բաքու, ԱԽՖՍՀ, ԽՍՀՄ - 1965), հայ դերասան։

Կրթությունն ստացել է Զանգեզուրի Տաթև գյուղի դպրոցում, ապա՝ Բաքվում։ 1953 թ.-ին եկել է Երևան, սովորել գեղարվեստա-թատերական ինստիտուտում։ Բեմական ասպարեզ է մտել 1957-1958 թվականների թատերաշրջանում։ Կատարել է Սիմոնի (Գաբրիել Սունդուկյանի «Կտակը» պիեսում) և Շմագայի (Օստրովսկու «Անմեղ մեղավորներում») դերերը։ 1958 թ.-ից աշխատել է Ղափանի Ալ. Շիրվանզադեի անվան թատրոնում, նախ՝ որպես դերասան, ապա՝ թատրոնի տնօրեն։ Խաղացել է մի շարք դերերում՝ Վռամ («Նույն հարկի տակ»), Սիմոն Յագորիչ («Ոսկի աքաղաղ»), Գրիգոր աղա («Ժայռ»), Պապիկ («Շողոքորթը») և այլն։ Մահացել է 1965 թ.-ին 31 տարեկանում^[1]։

Ծանոթագրություններ

1. Ասատուր Փաշայան, Հայ մշակույթի վաղամեռիկ գործիչներ, Ե., 2002, էջ 64։