Ռիչարդ Կիո

Ռիչարդ Կիո անգլ.՝ Richard Keogh
Քաղաքացիությունը	Իռլանդիա
Ծննդյան ամսաթիվ	օգոստոսի 11, 1986(1986-08-11)[1][2] (38 տարեկան)
Ծննդավայր	Հարլոու, Հարլոու, Էսեքս, Էսեքս, Անգլիա, Միացյալ Թագավորություն
Հասակ	183 սանտիմետր
Քաշ	71 կիլոգրամ
Դիրք	պաշտպան

Ռիչարդ Ջոն Կիո (անգլ.՝ Richard John Keogh,օգոստոսի 11, 1986(1986-08-11)^[1][2], Հարլոու, Հարլոու, Էսեքս, Էսեքս, Անգլիա, Միացյալ Թագավորություն), անգլիական ծագմամբ իռլանդացի ֆուտբոլիստ, պաշտպան: Հանդես է եկել Իռլանդիայի հավաքականում։

Ակումբային կարիերա

«Սթոք Սիթի» ակումբի ֆուտբոլային դպրոցի սան է, որտեղ 2004 թվականին հրավիրվել է հիմնական թիմ, սակայն ակումբի կազմում ոչ մի պաշտոնական հանդիպում չի անցկացրել:

2004 թվականի հունիսին Ջերմեյն Պալմերի հետ վարձակալությամբ է տրվել իսլանդական «Վիկինգուր» ակումբին (Ռեյկյավիկ), որտեղ մասնակցել է 18 խաղերից 9-ին:

2005 թվականին պայմանագիր է կնքել «Բրիստոլ Սիթիի» հետ։ Սեպտեմբերի 3-ին նոր ակումբի կազմում նորամուտն է նշել «Կոլչեսթեր Յունայթեդի» դեմ խաղում: Նույն թվականի նոյեմբերի 9-ին վարձակալությամբ է տրվել «Ուիկոմ Ուոնդերերսում»։ Երեք օր անց նորամուտն է նշել «Դարլինգտոնի» դեմ խաղում (նույն խաղում գոլ է խփել սեփական դարպասը։ Դեկտեմբերի 10-ին վերադարձել է «Ուոնդերերս»: 2007 թվականի օգոստոսի 31-ին վարձավճարով տեղափոխվել է «Հադերսֆիլդ Թաուն», որտեղ մնացել է մինչև հոկտեմբերի 29-ը։ Նոյեմբերի 21-ին 6 շաբաթով վարձակալությամբ է տրվել «Կարլայլ Յունայթեդին»: 2008 թվականի մարտի 11-ին հերթական անգամ վարձավճարով հանդես է եկել «Չելտենհեմ Թաունում», որտեղ խաղացել է մինչև մրցաշրջանի ավարտը։

2006 թվականի օգոստոսի 20-ին երկամյա պայմանագիր է կնքել «Կարլայլ Յունայթեդի» հետ։ Օգոստոսի 23-ին նորամուտն է նշել «Լեյտոն Օրիենտի» դեմ խաղում։

2010 թվականի հունիսի 28-ին հայտարարվել է, որ եռամյա պայմանագիր է կնքել «Քովենթրի Սիթիի» հետ (պաշտոնական տրանսֆերը տեղի է ունեցել հուլիսի 1-ին)։ 2012 թվականի ամռանը հեռացել է ակումբից։

2012 թվականի հուլիսի 19-ին եռամյա պայմանագիր է կնքել «Դերբի Քաունթիի» հետ։ Մեկ օր անց նշանակվել է թիմի նոր ավագ՝ այդ պաշտոնում փոխարինելով Ջեյսոն Շաքելին։ 2014 թվականի սեպտեմբերին կնքվել է նոր եռամյա պայմանագիր:

2020 թվականի օգոստոսի 7-ին ազատ գործակալի կարգավիճակով միացել է «Միլթոն-Քինս Դոնս» ակումբին^[3][4]։ Սեպտեմբերի 26-ին նորամուտն է նշել «Կրու Ալեքսանդրի» դեմ խաղում։

2021 թվականի հունվարի 19-ին դարձել է «Հադերսֆիլդ Թաուն» ակումբի խաղացող՝ կնքելով պայմանագիր մինչև 2020/21 մրցաշրջանի ավարտը^[5]։

2021 թվականի հուլիսի 17-ին ազատ գործակալի կարգավիճակով մեկամյա պայմանագիր է կնքել «Բլեքփուլ» ակումբի հետ^[6]։

2022 թվականի օգոստոսի 10-ին մեկամյա պայմանագիր է կնքել «Իփսվիչ Թաուն» ակումբի հետ^[7]։

2023 թվականի հուլիսի 4-ին միացել է «Ուիկոմ Ուոնդերերս» ակումբին^[8]։

2024 թվականի փետրվարի 9-ին միացել է «Ֆորեսթ Գրին Ռովերս» ակումբին^[9], որտեղ ավարտել է ֆուտբոլիստի կարիերան։

Կարիերա հավաքականում

2013 թվականի փետրվարի 6-ին Իռլանդիայի հավաքականում նորամուտն է նշել Լեհաստանի հավաքականի դեմ ընկերական խաղում (2-0)։ Ընդգրկվել է Ֆրանսիայի 2016 թվականի Եվրոպայի առաջնության հավաքականի կազմում: Հավաքականի կազմում անցկացրել է 12 հանդիպում և դարձել 1 գոլի հեղինակ:

Գոլեր հավաքականի կազմում

Ամսաթիվ	Վայր	Մրցակից	Հաշիվ	Արդյունք	Մրցաշար
2 հունիսի 2013	Ավիվա, Դուբլին	Վրաստան	1-0	4-0	Ընկերական հանդիպում

Ձեռքբերումներ

Բրիստոլ Սիթի

• Անգլիայի առաջին լիգայի փոխչեմպիոն՝ 2006/07

Ծանոթագրություններ

1. Transfermarkt.com(բազմ․) — 2000.
2. As (իսպ.) — Madrid: PRISA, 1967. — ISSN 1888-6671
3. «Keogh is a Don!». Milton Keynes Dons F.C. 2020-08-07. Արխիվացված է օրիգինալից 2021-05-24-ին. Վերցված է 2020-08-07-ին. {{cite web}}: Unknown parameter |deadlink= ignored (|url-status= suggested) (օգնություն)
4. «Richard Keogh: Ex-Derby County captain joins MK Dons». BBC Sport. 2020-08-07. Արխիվացված է օրիգինալից 2021-05-24-ին. Վերցված է 2020-08-07-ին. {{cite web}}: Unknown parameter |deadlink= ignored (|url-status= suggested) (օգնություն)
5. «TRANSFER: RICHARD KEOGH SIGNS FOR THE SEASON - News - Huddersfield Town». Արխիվացված է օրիգինալից 2021-05-18-ին. Վերցված է 2021-06-05-ին. {{cite web}}: Unknown parameter |deadlink= ignored (|url-status= suggested) (օգնություն)
6. «Seasiders Sign Richard Keogh» Արխիվացված 2022-04-25 Wayback Machine — Blackpool F.C., 17 July 2021
7. «Town Sign Richard Keogh». Արխիվացված օրիգինալից 2022-09-29-ին. Վերցված է 2023-11-07-ին.
8. «Keogh kicks off summer signings». www.wwfc.com. 2023-07-04. Արխիվացված օրիգինալից 2023-07-04-ին. Վերցված է 2023-07-04-ին.
9. «Richard Keogh: Forest Green Rovers sign veteran free-agent defender». BBC Sport. 9 February 2024. Վերցված է 9 February 2024-ին.

Արտաքին հղումներ

• Профиль на Soccerscene