Կարամոն Կանի ակադեմիայի սան է[4]։ Իր առաջին պայմանագիրը կնքեց 2015 թվականի դեկտեմբերի 7-ին[5]։ Իր պրոֆեսիոնալ դեբյուտը նշեց 2016 թվականի օգոստոսի 13-ին՝ փոխարինման մտնելով Լորյանի դեմ խաղում[6]։ Առաջին հանդիպումը թիմի մեկնարկային կազմում անցկացրեց օգոստոսի 19-ին՝ Օլիմպիկ Լիոնի դեմ խաղում[7][8]։ Իր առաջին գոլը պրոֆեսիոնալ կարիերայում խփեց սեպտեմբերի 21-ին՝ Անժեի դեմ խաղում[9]։ Դեկտեմբերի 2-ին Կարամոն գոլի և գոլային փոխանցման հեղինակ դարձավ Դիժոնի դեմ խաղում[10][11]։ 2017 թվականի փետրվարի 4-ին նա խփեց Գենգանի դեմ խաղի միակ գոլը՝ 1-0 հաշվով հաղթանակ պարգևելով իր թիմին[12][13]։ Կանի կազմում Կարամոն անցկացրեց 35 հանդիպում առաջնությունում՝ դառնալով 5 գոլի և 4 գոլային փոխանցման հեղինակ։
Ինտեր Միլան
2017 թվականի օգոստոսի 31-ին Կարամոն սկզբից՝ 2 տարվա վարձավճարով, ապա լրիվ տրանսֆերով տեղափոխվեց Ինտեր Միլան[14][15][16]։ Իր դեբյուտը ակումբի կազմում նշեց սեպտեմբերի 24-ին՝ փոխարինելով Բորխա ՎալերոյինՋենոայի դեմ խաղում[17][18]։ Առաջին հանդիպումը Ինտերի մեկնարկային կազմում անցկացրեց դեկտեմբերի 12-ին՝ Իտալիայի գավաթիՊորդենոնեի դեմ խաղում[19]։ Իր առաջին գոլը խփեց 2018 թվականի փետրվարի 11-ին՝ Բոլոնյայի դեմ խաղում[20][21]։ 2017-18 մրցաշրջանում Կարամոն անցկացրեց 17 հանդիպում՝ դառնալով 1 գոլի հեղինակ[22]։
2018 թվականի օգոստոսի 31-ին Կարամոն վարձավճարով միացավ Բորդոյին[23][24][25]։ Իր դեբյուտը նշեց սեպտեմբերի 20-ին՝ փոխարինելով Ֆրանսուա ԿամանոյինԵվրոպայի Լիգայի խմբային փուլի Սլավիա Պրահայի դեմ խաղում[26][27]։ Իր առաջին գոլը խփեց սեպտեմբերի 23-ին՝ Գենգանի դեմ խաղում[28]։ 2019 թվականի հունվարի 15-ին ֆրանսիացին գոլի հեղինակ դարձավ Անժեի դեմ հանդիպման ավելացված ժամանակում՝ 2-1 հաշվով հաղթանակ պարգևելով իր թիմին[29][30]։ Փետրվարի 6-ին Բորդոն որակազրկեց Կարամոյին ոչ պատշաճ վարքի համար[31][32][33], ինչի պատճառով բաց թողեց 3 հանդիպում։ Ակումբի կազմում ֆրանսիացին անցկացրեց 33 հանդիպում՝ դառնալով 3 գոլի և 3 գոլային փոխանցման հեղինակ[34]։
↑«YANN KARAMOH JOINS PARMA». Parma Calcio 1913 (ամերիկյան անգլերեն). 2019 թ․ հուլիսի 17. Արխիվացված է օրիգինալից 2019 թ․ օգոստոսի 20-ին. Վերցված է 2019 թ․ օգոստոսի 26-ին.
