Մարտին Կասյան

Անվան այլ կիրառումների համար տե՛ս՝ Կասյան (այլ կիրառումներ)

Մարտին Կասյան
Ծնվել է	սեպտեմբերի 14, 1905(1905-09-14)[1][2] Աբասթուման, Ախալցխայի գավառ, Թիֆլիսի նահանգ, Ռուսական կայսրություն[1][2]
Մահացել է	հոկտեմբերի 25, 1995(1995-10-25)[2] (90 տարեկան) Երևան, Հայաստան[2]
Քաղաքացիություն	Ռուսական կայսրություն,  ԽՍՀՄ և  Հայաստան
Ազգություն	հայ
Մասնագիտություն	մեքենագետ
Հաստատություն(ներ)	ՀԱՊՀ[1] և Գիտություն և տեխնիկա[1]
Գործունեության ոլորտ	մեքենաշինություն
Անդամակցություն	ՀՀ ԳԱԱ[1][2]
Ալմա մատեր	Վրաստանի տեխնիկական համալսարան (1928)[1]
Կոչում	ակադեմիկոս[1]
Գիտական աստիճան	տեխնիկական գիտությունների դոկտոր[2] (1943)
Պարգևներ	[1] և ՀԽՍՀ պետական մրցանակ
Կուսակցություն	ԽՄԿԿ[1]

Մարտին Վահանի Կասյան (սեպտեմբերի 14, 1905(1905-09-14)^[1][2], Աբասթուման, Ախալցխայի գավառ, Թիֆլիսի նահանգ, Ռուսական կայսրություն^[1][2] - հոկտեմբերի 25, 1995(1995-10-25)^[2], Երևան, Հայաստան^[2]), հայ խորհրդային մեխանիկ։ ՀԽՍՀ ԳԱ ակադեմիկոս (1956)^[3], ՀԽՍՀ գիտության վաստակավոր գործիչ (1960)։

Կենսագրություն

Ավարտել է Թբիլիսիի Վլադիմիր Իլյիչ Լենինի անվան պոլիտեխնիկական ինստիտուտը (1928)։ 1949 թվականից Երևանի պոլիտեխնիկական ինստիտուտի մեքենաշինության տեխնոլոգիայի ամբիոնի վարիչն է։ 1955 թվականին ընտրվել է ՀԽՍՀ ԳԱ տեխնիկական գիտությունների բաժանմունքի ակադեմիկոս քարտուղար։ 1957-1961 թվականներին եղել է ՀԽՍՀ Մինիստրների խորհրդի պետական գիտատեխնիկական կոմիտեի (ՊԳՏԿ) նախագահը և ԽՍՀՄ ՊԳՏԿ-ի անդամ։

Մարտին Կասյանի հուշատախտակը Բաղրամյան 56 հասցեում

1963 թվականից հասարակական կարգով եղել է «Գիտություն և տեխնիկա» պարբերականի գլխավոր և Հայկական ՄԱՀ ԳԱ տեղեկագրի տեխնիկական գիտությունների բաժանմունքի պատասխանատու խմբագիր։ Հիմնականում զբաղվել է մետաղների կտրման և մեքենաշինության տեխնոլոգիայի հարցերով. մետաղների կտրման պրոցեսները կառավարող ֆիզիկական հիմունքների հայտնաբերմամբ, ռեժիմային դաշտի՝ մեքենաների շահագործման պայմաններում լծորդների որակը և դրանց երկարակեցությունը որոշող օպտիմալ պարամետրների սահմանմամբ։ Ստեղծել է բնական քարերը (այդ թվում բազալտները) մշակող հատուկ հաստոցներ^[4]։

Երկեր

• Մետաղների կտրման հիմունքները, 2 հրատարակություն, Երևան, 1961 (համահեղինակ)։
• Оптимизация режимов резания при решении технологических задач, Е., 1981 (համահեղինակ)^[5]

Գրականություն

• Мартын Ваганович Касьян. Библиография, Е., 1975.

Ծանոթագրություններ

1. Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
2. Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1.
3. «ՀՀ գիտությունների ազգային ակադեմիայի իսկական անդամներ». Վերցված է 2023 թ․ հունիսի 2-ին.
4. «ՀՀ ԳԱԱ ակադեմիկոսների կենսամատենագիտություններ». Վերցված է 2023 թ․ հունիսի 2-ին.
5. «ՀՀ ԳԱԱ հիմնարար գիտական գրադարանի էլ․ քարտարան- Մարտին Կասյան». Վերցված է 2023 թ․ հունիսի 2-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 275)։

Վիքիդարանն ունի նյութեր, որոնք վերաբերում են «Մարտին Կասյան» հոդվածին։