Մանուկ Կակոսյան

Մանուկ Կակոսյան
Անձնական տվյալներ
Քաղաքացիությունը	Ռուսաստան և  Հայաստան
Ծննդյան ամսաթիվ	օգոստոսի 1, 1974(1974-08-01)[1][2] (50 տարեկան)
Ծննդավայր	Սոչի, ԽՍՀՄ
Հասակ	163 սմ
Քաշ	62 կգ
Դիրք	կիսապաշտպան
Մասնագիտական կարիերա*
Տարի	Ակումբ	Խաղ	(Գոլ)
1996 Դինամո Ժեմչուժինա 2 29 (13) 1997-1999 Ժեմչուժինա (Սոչի) 64 (3) 2000-2001 Չեռնոմորեց 49 (3) 2002-2003 Վոլգար-Գազպրոմ 27 (1) 2003 Լուչ-Էներգիա 10 (1) 2005-2006 Սոչի-04 39 (0) 2007 ՍԿԱ (Դոնի Ռոստով) 13 (0) 2008 Սոչի-04 26 (1) 2009 Ադլեր ԿՖԿ
Ազգային հավաքական
1999 Հայաստան 3 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Մանուկ Արսենի Կակոսյան (օգոստոսի 1, 1974(1974-08-01)^[1][2], Սոչի, ԽՍՀՄ), հայ խորհրդային ֆուտբոլիստ, կիսապաշտպան։ Նախկինում եղել է հարձակվող։

«Սպորտ Էքսպրեսի» տվյալներով՝ նա ամենացածրահասակ (160 սմ) ֆուտբոլիստն է Ռուսաստանի առաջնության բարձրագույն դիվիզիոնի պատմության մեջ^[3]։

Կարիերա

Ակումբային

Կակոսյանն իր կարիերան սկսել է Սոչիում։ Սկզբում «Ժեմչուժինա-2»-ի կազմում մասնակցել է Ռուսաստանի առաջնության երրորդ լիգային և թիմին օգնել անցնել երկրորդ լիգա. 1996 թվականի մրցաշրջանում նա խփել է 13 գոլ։ Հաջող նորամուտից հետո Կակոսյանը հրավիրվել է «Ժեմչուժինա», որը հանդես էր գալիս Ռուսաստանի Բարձրագույն լիգայում։ «Ժեմչուժինայի» կազմում անցկացրած առաջին մրցաշրջանում նա մասնակցել է 8 խաղի և խփել 1 գոլ։ Անատոլի Բայդաչնիի, իսկ հետո նաև Վիկտոր Անտիխովիչի մարզիչ լինելու տարիներին խաղացել է թիմի հիմնական կազմում։

Ռուսաստանի բարձրագույն լիգայում էր նորամուտը կատարել է 1997 թվականի հուլիսի 23-ին՝ Նովոռոսիյսկի «Չեռնոմորեց» ակումբի դեմ խաղի ընդմիջման ժամանակ փոխարինելով Գոչա Գոգրիչիանիին։ Բարձրագույն լիգայում իր առաջին գոլը խփել է 1997 թվականի սեպտեմբերի 13-ին, երբ գրավել է Նիժնի Նովգորոդի «Լոկոմոտիվ» ակումբի դարպասը. այդ խաղն ավարտվել է 2:0 հաշվով հօգուտ «Ժեմչուժինայի»։ «Ժեմչուժինայի»՝ առաջին լիգա անցնելուց հետո «Չեռնոմորեց» ակումբի կազմում շարունակել է հանդես գալ բարձրագույն լիգայում։ Նովոռոսիյսկից հետո նա խաղացել է Աստրախանում և Վլադիվոստոկում։ 2005 թվականին վերադարձել է Սոչի՝ ընդգրկվելով «Սոչի-04» ակումբի կազմում։ Այդ ակումբում նա հանդես է եկել մինչև նրա կազմալուծումը (ընդմիջումով 2007 թվականին)։

Ռուսաստանի պրեմիեր լիգայում անցկացրել է ընդհանուր առմամբ 113 խաղ և խփել 6 գոլ։

Հավաքականում

Հայաստանի հավաքականի կազմում անցկացրել է երեք խաղ, սակայն մարզիչների հետ ունեցած կոնֆլիկտի պատճառով հրաժարվել է ելույթներից^[4]։

Անձնական կյանք

Մանուկ Կակոսյանն ու իր կինը՝ Միլենան, ունեն 2 երեխա՝ Արսենը (ծնվել է 2003 թվականին) և Ռոզալիան (ծնվել է 2001 թվականին)։

Ծանոթագրություններ

1. Transfermarkt.com(բազմ․) — 2000.
2. FBref.com(բազմ․)
3. 20 САМЫХ НИЗКОРОСЛЫХ ИГРОКОВ В ИСТОРИИ ВЫСШЕГО ДИВИЗИОНА ЧЕМПИОНАТОВ РОССИИ
4. «Самый лучший из армян — это наш Какосьян!» Արխիվացված 2008-10-29 Wayback Machine, zrpress.ru, 18 сентября 2003

Արտաքին հղումներ

• Վիճակագրութունը National Football Teams կայքում(անգլ.)