Մանուել "Մեմե" Ուրիբե Գարզա (անգլ.՝ Manuel Uribe; հունիսի 11, 1965(1965-06-11), Մոնտեռեյ, Մեքսիկայի Միացյալ Նահանգներ[1][2] - մայիսի 26, 2014(2014-05-26)[3], Մոնտեռեյ, Մեքսիկայի Միացյալ Նահանգներ[4][5][6] բժշկության պատմության մեջ ամենածանր քաշ ունեցող մարդկանցից մեկը։
2001 թվականին՝ այն բանից հետո, երբ նրա քաշը կազմել է 587 կգ, ի վիճակի չի եղել դուրս գալ անկողնուց։ 2007 թվականին, նա կշռել է 560 կգ, և եղել է երկրագնդում ապրող ամենածանր մարդը։
Մանուել Ուրիբեն հեռուստատեսությամբ օգնություն է խնդրել։ Նրան վիրահատելու համար բազմաթիվ առաջարկություններ են ստացվել, որոնք կնպաստեին մարմնի զանգվածի պակասելուն, սակայն նա հրաժարվել է դրանցից՝ որոշելով նիհարել սննդակարգի օգնությամբ։ Ուրիբեն անցել է սպիտակուցային սննդակարգի և 2007 թվականին նրա մարմնի քաշը նվազել է մինչև 381 կգ։ Առաջին անգամ նա ինքնուրույն փողոց է դուրս եկել։
2006 թվականին Մանուելը ծանոթացել է 36-ամյա Կլաուդիա Սոլիսի հետ, որը ժամանակ առ ժամանակ կտրում էր Մանուելի մազերն ու եղունգները։ Հետո նրա այցերը վեր են ածվել ընկերության, ինչը շարունակվել է՝ ի հեճուկս Կլաուդիայի ծնողների ցանկության։ 2008 թվականի հոկտեմբերին Մանուելը նրան ամուսնության առաջարկություն է արել, ինչը Կլաուդիան ընդունել է։ Այդ ժամանակ Մանուելը կշռել է 330 կգ, Կլաուդիան՝ շուրջ 67 կգ։
2011 թվականի մարտին Մանուելը հատուկ սննդակարգի և ֆիզիկական վարժությունների օգնությամբ նիհարել է 187 կգ-ով։ 2012 թվականի մարտին եղել է 444 կգ։ Արդյունքում՝ նա կշռել է 330 կգ։
Ապրել է Մեքսիկայի Մոնտերեյ քաղաքում։ Մահացել է հիվանդության բարդությունից՝ Մոնտերեյի հիվանդանոցում՝ 2014 թվականի մայիսի 26-ին։
Ծանոթագրություններ
- ↑ 1,0 1,1 1,2 http://uk.reuters.com/article/2008/05/13/us-mexico-obesity-idUKN1330327620080513
- ↑ 2,0 2,1 2,2 http://www.telegraph.co.uk/news/worldnews/centralamericaandthecaribbean/mexico/3120774/Worlds-fattest-man-to-get-married-after-losing-weight.html
- ↑ 3,0 3,1 3,2 http://www.webcrawler.com/info.wbcrwl.stoolfefbar/search/web?q=Fattest%20Man%20Alive
- ↑ 4,0 4,1 4,2 http://cached.newslookup.com/cached.php?ref_id=110&siteid=2103&id=6265504&t=1401153843
- ↑ 5,0 5,1 5,2 http://in.reuters.com/article/2008/10/27/idINIndia-36170220081027
- ↑ 6,0 6,1 6,2 http://english.sina.com/world/p/2008/1008/190556.html
Արտաքին հղումներ
