Կլաուդիա Պասկուալ

Կլաուդիա Պասկուալ
Ծնվել է	դեկտեմբերի 14, 1972(1972-12-14)[1] (52 տարեկան)
Ծննդավայր	Սանտյագո, Չիլի
Քաղաքացիություն	Չիլի
Կրթություն	Չիլիի համալսարան (2002) և Metropolitan University of Educational Sciences? (1991)
Մասնագիտություն	քաղաքական գործիչ և մարդաբան
Զբաղեցրած պաշտոններ	Minister for Women? և Չիլիի Սենատի անդամ
Կուսակցություն	Չիլիի կոմունիստական կուսակցություն
Claudia Pascual Վիքիպահեստում

Կլաուդիա Պասկուալ Գրաու (իսպ.՝ Claudia Pascual Grau, դեկտեմբերի 14, 1972(1972-12-14)^[1], Սանտյագո, Չիլի)^[2], չիլիացի սոցիալական մարդաբան և քաղաքական ակտիվիստ, Չիլիի Կոմունիստական կուսակցության անդամ։ 2014 թվականի մարտի 11-ին նշանակվել է Կանանց ազգային ծառայության նախարար-տնօրենի պաշտոնում և դարձել վերջին 41 տարում Կոմունիստական կուսակցության առաջին կին նախարարը^[3]։ 2016 թվականի հունիսի 3-ին նա պաշտոնապես նշանակվել է Կանանց և գենդերային հավասարության նախարար^[4]։

Կենսագրություն

Կլաուդիա Պասկուալը 13 տարեկանից եղել է Չիլիի կոմունիստական երիտասարդության և Չիլիի կոմունիստական կուսակցության (ՉԿԿ) անդամ, որոնցում եղել է շրջանային քարտուղար, Կենտրոնական կոմիտեի անդամ և կանանց հարցերով ազգային հանձնակատար։

Միշել Բաչելետը Կլաուդիա Պասկուալին նշանակել է Կանանց և գենդերային հավասարության նախարար, 2016

Կլաուդիա Պասկուալը սոցիալական մարդաբանություն է սովորել Չիլիի համալսարանում։ Դասավանդել է Չիլիի տարբեր կրթական հաստատություններում՝ համալսարաններում, արհմիութենական դպրոցներում և կանանց դպրոցներում։ Եղել է Չիլիի համալսարանի ուսանողական հարցերի գրասենյակի թմրամիջոցների և ալկոհոլի օգտագործման կանխարգելման ծրագրի համակարգող^[5]։

2001 և 2005 թվականներին նա եղել է Սանտյագոյի շրջանի պատգամավորի թեկնածու, սակայն համապատասխանաբար 3% և 6,5% արդյունքներով երբեք չի ընտրվել^[6]։ 2002-2005 թվականներին եղել է Ալեխանդրո Լիպշուցի անվան գիտական ինստիտուտի գործադիր քարտուղարը^[6]։

2008 թվականի տեղական ընտրություններում նա զբաղեցնել է երկրորդ տեղը և ընտրվել Սանտյագոյի կոմունայի քաղաքային խորհրդի անդամ։ 2012 թվականի ընտրություններում նա վերընտրվել է։ Մինչև 2014 թվականի մարտի 5-ը եղել է տեղական պատգամավոր^[7]։

2014 թվականի հունվարի 24-ին Չիլիի նորընտիր նախագահ Միշել Բաչելետ Կլաուդիա Պասկուալին նշանակել է Կանանց ազգային ծառայության նախարար։ Նա այդ պաշտոնը ստանձնեց որպես առաջին կոմունիստ ակտիվիստը, որը մտել է Չիլիի կառավարություն 1973 թվականի ռազմական հեղաշրջումից հետո։

2016 թվականի հունիսի 3-ին նախագահ Միշել Բաչելետը Կլաուդիա Պասկուալին նշանակել է Կանանց և գենդերային հավասարության նախարար։ Նա այդ պաշտոնը զբաղեցրել է մինչև 2018 թվականի մարտի 11֊ը։

Ծանոթագրություններ

1. http://blogs.cooperativa.cl/opinion/claudia-pascual-grau/
2. Emol.com, Equipo. «El primer gabinete de Michelle Bachelet – Especial de Emol.com». www.emol.com. Վերցված է 2017 թ․ նոյեմբերի 4-ին.
3. S.A.P., El Mercurio (2014 թ․ հունվարի 24). «Claudia Pascual, la militante comunista que romperá los 41 años del PC fuera del Gobierno | Emol.com». Emol (իսպաներեն). Վերցված է 2017 թ․ նոյեմբերի 4-ին.
4. «Архивированная копия». Արխիվացված է օրիգինալից 2016 թ․ հունիսի 4-ին. Վերցված է 2020 թ․ դեկտեմբերի 26-ին.
5. «Claudia Pascual, quien fuera integrante de la DBE, liderará el Sernam - Universidad de Chile». www.uchile.cl (իսպաներեն). Արխիվացված է օրիգինալից 2017 թ․ նոյեմբերի 7-ին. Վերցված է 2017 թ․ նոյեմբերի 4-ին.
6. «Claudia Pascual, es la nueva directora del Sernam». Cooperativa.cl (իսպաներեն). Վերցված է 2017 թ․ նոյեմբերի 4-ին.
7. «Архивированная копия». Արխիվացված է օրիգինալից 2014 թ․ մարտի 6-ին. Վերցված է 2020 թ․ դեկտեմբերի 26-ին.

Արտաքին հղումներ

• Perfil en minmujeryeg.cl

Վիքիպահեստն ունի նյութեր, որոնք վերաբերում են «Կլաուդիա Պասկուալ» հոդվածին։