Դիպակ Չոպրա (հինդի՝ दीपक चोपड़ा, հոկտեմբերի 22, 1946(1946-10-22)[1][2][3], Նյու Դելի, Հնդկաստան), հնդկական արմատներով ամերիկացի բժիշկ և գրող, որը գրել է բազմաթիվ գրքեր հոգևորության և այլընտրանքային բժշկության վերաբերյալ։ Դիպակ Չոպրայի աշխարահայացքի վրա, նրա խոսքով, մեծապես ազդվել են Ջիդդու Կրիշնամուրտիի ուսմունքները։ Նրա վրա ազդել են նաև Վեդանտայի և Բհագավադ Գիտայի ուսմունքները։
Չոպրան դասավանդել է Տաֆտսի, Բոստոնի և Հարվարդի համալսարանների բժշկական դպրոցներում։ Մինչ մասնավոր պրակտիկայի անցնելը՝ նա զբաղեցրել է Մասաչուսեթսի նոր Անգլիայի հիվանդանոցի աշխատակազմի ղեկավարի պաշտոնը։
1985 թ., Չոպրան հանդիպում է Մահարիշ Մահեշ Յոգիին, ով առաջարկում է նրան ուսումնասիրել Այուրվեդան[5]։
Կենսագրությունը
Չոպրան ծնվել է Հնդկաստանի Նյու Դելի քաղաքում։ Նրա հայրը ՝ Կրիշնա Չոպրան, սրտաբան էր, որը ծառայում էր որպես քահանա տեղական հիվանդանոցում և լեյտենանտ բրիտանական բանակում։ Չոպրայի պապը զբաղվում էր Այուրվեդայով (հնդկական այլընտրանքաին բժշկության ուղիներից մեկը)։ Չոպրան ԱՄՆ է արտագաղթել 1968-ի իր կնոջ ՝ Ռիտայի հետ։ 1993 թվականին նա ընտանիքի հետ տեղափոխվեց Լա Խոլլա։ Նրանք ներկայումս ապրում են Սան Դիեգոյում ՝ իրենց երեխաների ՝ Գաուտամի և Մալիկայի հետ։
Չոփրաի կրտսեր եղբայրը ՝ Սանջիվը, բժշկության պրոֆեսոր է և աշխատում է Beth Israel Deaconess Medical Center բժշկական կենտրոնի առաջադեմ բժշկական կրթության բաժնի դեկան։
Չոպրան նախնական կրթությունը ստացել է Նյու Դելիի Սուրբ Կոլումբոս դպրոցում, այնուհետև ավարտել է Հնդկաստանի բժշկական գիտությունների ինստիտուտը։ Նա ավարտեց իր կլինիկական պրակտիկան և օրդինատուրան Նյու Ջերսի նահանգի Պլեյնֆիլդ քաղաքում գտնվող Մուհլենբուրգի հիվանդանոցում, Մասաչուսեթսի նահանգի Բերլինգթոնի Լահի հիվանդանոցում և Վիրջինիայի համալսարանի հիվանդանոցում։ Օրդինատուրան ավարտելուց հետո Չոպրան հանձնեց ներքին բժշկի և էնդոկրինոլոգիայի դոկտորի քննությունը։ 1996-ին Չոպրան և նյարդաբան Դեյվիդ Սայմոնը հիմնեցին Chopra Wellbeing Center- ը, որի մեջ մտնում էր նաև Այուրվեդան։
Ծանոթագրություններ
Արտաքին հղումներ
Դիպակ Չոպրայի հարցազրույցը
| |
|---|
| | Թեմատիկ կայքեր | |
|---|
| | Բառարաններ և հանրագիտարաններ | |
|---|
| |
|
