Գագիկ Ասլանյան

Վիքիպեդիայում կան հոդվածներ Ասլանյան ազգանունով այլ մարդկանց մասին։

Գագիկ Ասլանյան
Ծնվել է	փետրվարի 25, 1954(1954-02-25) (70 տարեկան)
Ծննդավայր	Թալին, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայաստանի պետական տնտեսագիտական համալսարան (1977)
Մասնագիտություն	քաղաքական գործիչ և տնտեսագետ
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Օրինաց երկիր

Գագիկ Սերգեյի Ասլանյան (փետրվարի 25, 1954(1954-02-25), Թալին, Հայկական ԽՍՀ, ԽՍՀՄ), հայ տնտեսագետ, ՀՀ պետական գործիչ, ՀՀ ԱԺ նախագահի տեղակալ (1999-2003)։

Կրթություն

• 1977 թվականին ավարտել է Երևանի ժողովրդական տնտեսության ինստիտուտը՝ տնտեսագետ-մաթեմատիկոսի որակավորմամբ։
• 1979 թվականին ընդունվել է ԽՍՀՄ ԳԱ տնտեսագիտամաթեմատիկական ինստիտուտի ասպիրանտուրան, որն ավարտել է 1985 թվականին։ Տնտեսագիտության թեկնածու։

Աշխատանքային գործունեությունը

• 1977-1979 թվականներին աշխատել է ՀՍՍՀ ԳԱ տնտեսագիտության ինստիտուտում որպես տնտեսագետ, ապա կրտսեր գիտաշխատող։
• 1985-1990 թվականներին՝ ՀԽՍՀ ԳԱ տնտեսագիտության ինստիտուտում աշխատել է որպես կրտսեր գիտաշխատող, ապա գիտաշխատող։
• 1987-1991 թվականներին՝ Երևանի անասնաբուծական-անասնաբուժական ինստիտուտի քաղաքատնտեսության ամբիոնի դասախոս։
• 1990 թվականին՝ Երևանի «Պլաստիկ» արտադրական միավորման գլխավոր տնտեսագետ։
• 1993-1999 թվականներին՝ «Պլաստիկ» ԲԲԸ-ի տնօրենի տեղակալ-գլխավոր տնտեսագետ։
• 2006 թվականից - Հայաստանի պետական տնտեսագիտական համալսարանի կառավարման ամբիոնի ասիստետնտ, Ուսումնական գործընթացի տեղեկատվական ծառայության պետ, կառավարման ամբիոնի դոցենտ։
• 2006 թվականից - Երևանի պետական համալսարանի տնտեսագիտական ֆակուլտետի ասիստենտ, տնտեսագիտական ֆակուլտետի դոցենտ։

Քաղաքական գործունեությունը

• 1998 թվականից հանդիսացել է Հայաստանի ժողովրդական կուսակցության անդամ։
• 1999 թվականի մայիսի 30-ին ընտրվել է ՀՀ Ազգային ժողովի 2-րդ գումարման պատգամավոր «Միասնություն» դաշինքի համամասնական ընտրացուցակով։ «Միասնություն» խմբակցության անդամ։ ԱԺ պետական-իրավական հարցերի մշտական հանձնաժողովի անդամ։
• 1999 թվականի հունիսի 17-ին ընտրվել է «Միասնություն» խմբակցության քարտուղար՝ պաշտոնավարելով մինչև 1999 թ. նոյեմբերի 2-ը։
• 1999 թվականի նոյեմբերի 2-ին ընտրվել է ՀՀ Ազգային ժողովի նախագահի տեղակալ՝ պաշտոնավարելով մինչև 2003 թ. հունիսի 11-ը։
• 2001 թվականի դադարեցրել է իր անդամությունը Հայաստանի ժողովրդական կուսակցությանը և հիմնադրել Ժողովրդա-դեմոկրատական կուսակցությունը։ Ընտրվել է ԺԴԿ վարչության նախագահ։
• 2003 թվականին Ժողովրդա-դեմոկրատական կուսակցությունը «Արժանապատիվ ապագա» կուսակցության հետ կազմավորել է «Արժանապատվություն, ժողովրդավարություն, հայրենիք» դաշինքը, որը ՀՀ Ազգային ժողովի 3-րդ գումարման ընտրություններում չի հաղթահարել անցողիկ շեմը։
• 2003 թվականի աշնանը Ժողովրդա-դեմոկրատական կուսակցությունն իր համագումարի որոշմամբ միաձուլվել է «Օրինաց երկիր» կուսակցությանը։ Գագիկ Ասլանյանն ընտրվել է «Օրինաց երկիր» կուսակցության փոխնախագահ։
• 2004 թվականի հունվարի 5-ին ՀՀ վարչապետի որոշմամբ նշանակվել է Հայաստանի Հանրապետության տարածքային կառավարման և ենթակառուցվածքների գործունեությունը համակարգող նախարարի տեղակալ^[1]։
• 2005 թվականի դեկտեմբերի 30-ին ՀՀ Վարչապետի որոշմամբ ազատվել է Հայաստանի Հանրապետության տարածքային կառավարման և ենթակառուցվածքների գործունեությունը համակարգող նախարարի տեղակալի պաշտոնից^[2]։
• 2005 թվականի դեկտեմբերի 30-ին ՀՀ Վարչապետի որոշմամբ նշանակվել է ՀՀ տարածքային կառավարման նախարարի տեղակալ^[3]։
• 2006 թվականի հունիսին ՀՀ վարչապետի որոշմամբ ազատվել է Հայաստանի Հանրապետության տարածքային կառավարման նախարարի տեղակալի պաշտոնից։

Ամուսնացած է, ունի երեք երեխա՝ Նառա, Լուսինե և Սերգեյ։ Երեք երեխաներն էլ ավարտել են Հայաստանի պետական տնտեսագիտական համալսարանը։

Աղբյուրներ

Ծանոթագրություններ

1. «Գ. ԱՍԼԱՆՅԱՆԻ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2015 թ․ մարտի 29-ին.
2. «Գ. ԱՍԼԱՆՅԱՆԻ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2015 թ․ ապրիլի 17-ին.
3. «Գ. ԱՍԼԱՆՅԱՆԻ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2015 թ․ ապրիլի 17-ին.

Նախորդող պաշտոնը հիմնադրվել է

ՀՀ Ազգային ժողովի «Միասնություն» խմբակցության քարտուղար Գագիկ Ասլանյան 17 հունիսի 1999 թ. - 2 նոյեմբերի 1999 թ.

Հաջորդող Գագիկ Ոսկանյան

Նախորդող Ռուբեն Միրոյան

ՀՀ Ազգային ժողովի նախագահի տեղակալ Գագիկ Ասլանյան 2 նոյեմբերի 1999 թ. - 12 հունիսի 2003 թ.

Հաջորդող Վահան Հովհաննեսյան

Նախորդող պաշտոնը հիմնադրվել է

Ժողովրդա-դեմոկրատական կուսակցության վարչության նախագահ Գագիկ Ասլանյան 2001-2003 թթ.

Հաջորդող պաշտոնը վերացվել է կուսակցության լուծարման կապակցությամբ