Անտոնիո Մատեու Լաոս

Անտոնիո Մատեու Լաոս
Քաղաքացիությունը	Իսպանիա
Ծննդյան ամսաթիվ	մարտի 12, 1977(1977-03-12) (47 տարեկան)
Ծննդավայր	Algímia d'Alfara, Camp de Morvedre, Վալենսիա, Վալենսիա, Իսպանիա
Հասակ	1,8 մետր

Անտոնիո Միգել Մատեու Լաոս (իսպ.՝ Antonio Miguel Mateu Lahoz, մարտի 12, 1977(1977-03-12), Algímia d'Alfara, Camp de Morvedre, Վալենսիա, Վալենսիա, Իսպանիա), իսպանացի ֆուտբոլային մրցավար։ ՖԻՖԱ-ի մրցավար 2011-ից 2023 թվականներին։

Կարիերա

Մրցավարի կարիերան սկսել է 1992 թվականին, 1999 թվականին արդեն վարել է Իսպանիայի 4-րդ դիվիզիոնի հանդիպումները։ 2002 թվականից նա աշխատել է Սեգունդա Բ դիվիզիոնում՝ երկու տարի աշխատելուց հետո չորս մրցաշրջան աշխատել է Իսպանիայի երկրորդ ամենակարևոր դիվիզիոնի Սեգունդա դիվիզիոնում։ 2008 թվականից վարում է Լա լիգայի (Իսպանիայի առաջնության բարձրագույն խումբ) հանդիպումները, նորամուտը նշել է սեպտեմբերի 13-ին «Սևիլիայի» և «Սպորտինգի» (Խիխոն) միջև կայացած խաղում^[1]։

2011 թվականի հունվարի 1-ին դարձել է ՖԻՖԱ-ի մրցավար։ Այս կարգավիճակում նորամուտը նշել է մարտի 26-ին Կոլումբիայի և Էկվադորի ազգային հավաքականների ընկերական խաղում, խաղը տեղի է ունեցել Մադրիդում և ավարտվել կոլումբիացիների հաղթանակով՝ 2:0^[2]։

2011 թվականի դեկտեմբերի 1-ին իր նորամուտը նշել է Եվրոպայի լիգայի խմբային փուլի խաղում՝ 5-րդ տուրում վարելով գերմանական Շալկե 04-ի և ռումինական «Ստյաուայի» (Բուխարեստ) միջև խաղը։

Մեկ տարի անց՝ 2012 թվականի դեկտեմբերին, Անտոնիոն իր նորամուտը նշել է Չեմպիոնների լիգայի խմբային փուլում, որտեղ վարել է ֆրանսիական «Մոնպելիեի» և գերմանական «Շալկե 04»-ի միջև հանդիպումը։

2014 թվականի ապրիլի 16-ին Լաոսն առաջին անգամ վարել է Իսպանիայի գավաթի եզրափակիչ «Բարսելոնա»-«Ռեալ» հանդիպումը, որում հաղթանակ է տարել արքայական ակումբը 2:1 հաշվով^[3]։

Վարել է 2015 թվականի երիտասարդական թիմերի աշխարհի առաջնության հանդիպումները, 2014 թվականի աշխարհի առաջնության որակավորման խաղերը, 2012 և 2016 թվականների Եվրոպայի առաջնությունների որակավորման խաղերը։

2016 թվականի ամռանը վարել է Ռիո դե Ժանեյրոյի տղամարդկանց օլիմպիական մրցաշարի հանդիպումները^[4]։

Ընտրվել է 2017 թվականի ֆուտբոլի աշխարհի երիտասարդական առաջնության գլխավոր մրցավարների թվում^[5][6][7][8]։

2018 թվականին ընդգրկվել է մրցավարների շարքում՝ Ռուսաստանում կայանալիք Աշխարհի 2018 թվականի առաջնության եզրափակիչ փուլի հանդիպումները սպասարկելու համար^[9]։

2021 թվականին դատել է ՈՒԵՖԱ Չեմպիոնների լիգայի 2020/2021 մրցաշրջանի եզրափակիչը «Մանչեսթեր Սիթի»-«Չելսի»։

2022 թվականի մայիսին ՖԻՖԱ-ն նրան նշանակել է Քաթարում կայանալիք ֆուտբոլի աշխարհի 2022 թվականի առաջնության 36 գլխավոր մրցավարներից մեկը։

2023 թվականի հունիսին Մատեուն հայտարարել է ֆուտբոլային մրցավարի կարիերան ավարտելու մասին^[10][11]։

Աշխարհի առաջնություն 2022

Փուլեր	Ամսաթիվ	Վայր	1-ին թիմ	2-րդ թիմ	Արդյունք			11 մետրանոց
Խմբային փուլ	2022 թվականի նոյեմբերի 25	Էլ Թումամա (Դոհա)	Կատար	Սենեգալ	1:3 (0:0)	3 - 3	0 - 0	0 - 0
Խմբային փուլ	2022 թվականի նոյեմբերի 29	Էլ Թումամա (Դոհա)	Իրան	ԱՄՆ	0:1 (0:1)	3 - 1	0 - 0	0 - 0
1/4 եզրափակիչ	2022 թվականի դեկտեմբերի 9	Ազգային մարզադաշտ (Լուսաիլ)	Նիդերլանդներ	Արգենտինա	2:2 (0:1, 2:2, 11մ․3:4)	8 - 10	1 - 0	0 -

Ծանոթագրություններ

1. «Sevilla FC - Sporting Gijón 4:3 (Primera División 2008/2009, 2. Ronde)» (հոլանդերեն). voetbal.com. Արխիվացված օրիգինալից 2018 թ․ ապրիլի 24-ին. Վերցված է 2018 թ․ ապրիլի 24-ին.
2. «Ecuador vs. Colombia - 26 maart 2011 - Soccerway» (հոլանդերեն). nl.soccerway.com. Արխիվացված օրիգինալից 2018 թ․ ապրիլի 24-ին. Վերցված է 2018 թ․ ապրիլի 24-ին.
3. «Barcelona-Real Madrid: resumen, goles y resultado - MARCA.com». www.marca.com. Արխիվացված օրիգինալից 2018 թ․ ապրիլի 26-ին. Վերցված է 2018 թ․ ապրիլի 24-ին.
4. «Olympic Football Tournaments (OFTs) RIO 2016. Appointments of Referees and Assistant Referees» (PDF). 2016 թ․ մայիսի 2. Արխիվացված է օրիգինալից (PDF) 2016 թ․ օգոստոսի 20-ին. Վերցված է 2018 թ․ ապրիլի 24-ին.
5. FIFA.com. «FIFA U-20 World Cup Korea Republic 2017 - Matches - Zambia-Iran - FIFA.com» (անգլերեն). FIFA.com. Արխիվացված է օրիգինալից 2018 թ․ ապրիլի 24-ին. Վերցված է 2018 թ․ ապրիլի 24-ին.
6. FIFA.com. «FIFA U-20 World Cup Korea Republic 2017 - Matches - South Africa-Italy - FIFA.com» (անգլերեն). FIFA.com. Արխիվացված է օրիգինալից 2018 թ․ սեպտեմբերի 6-ին. Վերցված է 2018 թ․ ապրիլի 24-ին.
7. FIFA.com. «FIFA U-20 World Cup Korea Republic 2017 - Matches - Senegal-Ecuador - FIFA.com» (անգլերեն). FIFA.com. Արխիվացված է օրիգինալից 2018 թ․ ապրիլի 24-ին. Վերցված է 2018 թ․ ապրիլի 24-ին.
8. FIFA.com. «FIFA U-20 World Cup Korea Republic 2017 - Matches - Italy-England - FIFA.com» (անգլերեն). FIFA.com. Արխիվացված է օրիգինալից 2018 թ․ ապրիլի 24-ին. Վերցված է 2018 թ․ ապրիլի 24-ին.
9. «Карасёв стал судьёй чемпионата мира. ФИФА утвердила списки арбитров». 2018 թ․ մարտի 29. Արխիվացված է օրիգինալից 2019 թ․ մայիսի 2-ին. Վերցված է 2018 թ․ ապրիլի 24-ին.
10. Onefootball.com (2023 թ․ հունվարի 5). «CONTROVERSIAL WORLD CUP REFEREE MATEU LAHOZ SET TO RETIRE AT THE END OF THE SEASON» (անգլերեն). Onefootball.com. Արխիվացված օրիգինալից 2023 թ․ հուլիսի 8-ին. Վերցված է 2023 թ․ հուլիսի 8-ին.
11. Championat.com (2023 թ․ հունիսի 6). «Матеу Лаос объявил о завершении судейской карьеры». Championat.com. Արխիվացված օրիգինալից 2023 թ․ հուլիսի 8-ին. Վերցված է 2023 թ․ հուլիսի 8-ին.

Արտաքին հղումներ

• Статистика на scoreshelf(անգլ.)