Օնտարիոյի նկարիչների միություն

Օնտարիոյի նկարիչների միություն
Տեսակ	ընկերություն
Հիմնադրված	1872

Օնտարիոյի նկարիչների միության անդմաներ (1889)

Օնտարիոյի նկարիչների միություն (անգլ.՝ Ontario Society of Artists), հիմնադրվել է 1872 թվականին։ Համարվում է Կանադայի ամենահին շարունակաբար գործող արվեստի հասարակությունը^[1]։ Ընկերության երկու հիմնական խնդիրներն էին ստեղծել նահանգային պատկերասրահ և արվեստի դպրոց^[1]։ Հիմնադիր գործադիրի կողմից կազմված նպատակների ցանկը ներառում էր նաև նահանգներում բնօրինակ արվեստի խթանումը և ամենամյա ցուցահանդեսների անցկացումը։ Հայտնի գործարար Ուիլյամ Հոլմս Հաուլենդը հրավիրվեց լինելու միության նախագահ^[2]։

Պատկերասրահ

1900 թվականից միությունը ստեղծեց արվեստի թանգարան^[1]։ Սկզբում այն կոչվում էր Տորոնտոյի արվեստի թանգարան, այժմ` Օնտարիոյի գեղարվեստի պատկերասրահ։ Թանգարանն իր հավաքածուի ցուցադրության համար 1910-1920 թվականներին սկսեց օգտագործել Քոլեջ փողոցի վրա գտնվող Տորոնտոյի հանրային գրադարանը^[1]։ Այդ ժամանակահատվածում կազմակերպված ամենամյա ցուցահանդեսները կազմակերպվում էին նաև գրադարանում։ 1920 թվականից միությունը սկսեց իր տարեկան ցուցադրությունները կազմակերպել Տորոնտոյի արվեստի նոր պատկերասրահում։

Արվեստի դպրոց

Միությունը մտահոգված էր Օնտարիոյում արվեստի կրթության բացակայությամբ։ Մեխանիկայի ինստիտուտը տրամադրում էր տեխնիկական դասընթացներ, սակայն արվեստի ուսուցումը սահմանափակվում էր անհատական դասերով ` կայացած նկարիչների տներում կամ ստուդիաներում։ 1876 թվականին միությունը ստացել է 1,000.00 դոլարի դրամաշնորհ, որի շնորհիվ վերանորոգվել է Արևմտյան Քինգ փողոցի 14 հասցեի վարձակալված տարածքը՝ ստեղծելու արվեստի դպրոցի դասարաններ՝ օգտագործելով որպես պատկերասրահներ։ Օնտարիոյի արվեստի դպրոցում 1876 թվականի հոկտեմբերի 30-ին անշուք դասասենյակներ բացվեցին, որտեղ ներգրավվեցին 25 ուսանողներ^[3]։

Թեև դպրոցը շարունակում էր ծաղկել, ֆինանսական վիճակն անորոշ էր, քանի որ միությունը կառավարությունից չէր կարող ստանալ երկարաժամկետ ֆինանսավորում։ 1883 թվականին միության և կառավարության միջև նոր պայմանավորվածություն է ձեռք բերվել, որի արդյունքում դպրոցը տեղափոխվել է Սբ. Ջեյմս հրապարակի սովորական դպրոցի շենք, այժմ ` Ռայերսոնի համալսարան^[4]։ 1884 թվականին միության և կառավարության միջև հարաբերությունները սառեցին և միության փոխնախագահ և Կանադայի թագավորական ակադեմիայի նախագահ Լուցիուս Ռիչարդ Օ'Բրիեն հրաժարական տվեց։

Մինչև 1890 թվական միությունը դադարեց ներգրավածությունը դպրոցի հետ^[3]։ Միության ջանքերով ի վերջո հանգեցրեցին Օնտարիոյի արվեստի և դիզայնի համալսարանի ձևավորմանը։

Արվեստի խթանում

Հիմնադրումից ի վեր միությունը կազմակերպել է հանրային միջոցառումներ՝ ներկայացնելու Օնտարիոյի նկարիչներին և ձևավորելու ֆորում նոր ի հայտ եկող նկարիչների համար։ Միության անդամները նոր ի հայտ եկող արվեստագետների համար ունեին դասավանդման ծրագիր^[5]։

Ցուցահանդեսներ

Միության առաջին ցուցահանդեսը տեղի է ունեցել 1873 թվականի ապրիլին՝ Տորոնտո քաղաքի Ֆրեյսեր պատկերասրահում^[2]։ Միությունը շարունակում է կազմակերպել ամենամյա և հատուկ միջոցառումներ^[6]։

Անդամներ

Միության առաջին անդամների շարքում էին վիզուալ արվեստի մասնագիտություններ ունեցող անձինք։ Օնտարիոյի արվեստագետներից շատերը անդամակցել են Օնտարիոյի նկարիչների միությանը^[7]։ Հասարակության ներկա անդամակցությունը գերազանցում է 200 արվեստագետ^[8]։

Ծանոթագրություններ

1. «Ontario Society of Artists: 100 Years, 1872-1972». Centre for Contemporary Canadian Art. Արխիվացված է օրիգինալից 2013 թ․ հոկտեմբերի 2-ին. Վերցված է 2013 թ․ ապրիլի 26-ին.
2. «The Founding of the Society and its First Exhibition». Archives of Ontario. Արխիվացված է օրիգինալից 2015 թ․ սեպտեմբերի 7-ին. Վերցված է 2013 թ․ ապրիլի 26-ին.
3. «Early Purchases and the Foundation of the Art Gallery». Archives of Ontario. Արխիվացված է օրիգինալից 2015 թ․ սեպտեմբերի 7-ին. Վերցված է 2013 թ․ ապրիլի 26-ին.
4. «The Ontario Art School». The Week : a Canadian journal of politics, literature, science and arts. 1 (18): 283. 1884 թ․ ապրիլի 3. Վերցված է 2013 թ․ ապրիլի 30-ին.
5. «OSA Informational Brochure» (PDF). The Ontario Society of Artists. Վերցված է 2013 թ․ ապրիլի 26-ին.(չաշխատող հղում)
6. «Member Events & Exhibitions». The Ontario Society of Artists. Արխիվացված է օրիգինալից 2013 թ․ փետրվարի 22-ին. Վերցված է 2013 թ․ ապրիլի 26-ին.
7. «Members Deceased». The Ontario Society of Artists. Արխիվացված է օրիգինալից 2016 թ․ հունվարի 19-ին. Վերցված է 2013 թ․ ապրիլի 26-ին.
8. «Member Roster». The Ontario Society of Artists. Արխիվացված է օրիգինալից 2013 թ․ մայիսի 8-ին. Վերցված է 2013 թ․ ապրիլի 26-ին.

Արտաքին հղումներ

• Պաշտոնական կայք
• The Ontario Society of Artists and the Government of Ontario Art Collection Արխիվացված 2018-02-03 Wayback Machine, online exhibit on Archives of Ontario website