15-րդ դարի քարտեզ, որի վրա պատկերված է Օյկումենայի նկարագրությունը Պտղոմեոսի կողմից, 1482 թվական
Օյկումենա կամ էկումենա, մշակութային օյկումենա (հուն․՝ οἰκουμένη «բնակեցված» (երկիր) οἰκέω «բնակվում եմ» բառից), մարդկանց կողմից բնակեցված աշխարհամաս։ Oἰκουμένη տերմինը գործածության մեջ է դրվել հին հունական աշխարհագրագետ Հեկատեոս Միլեթացու կողմից՝ հույների համար հայտնի Երկրի մասը նշելու համար՝ Հելլադա կենտրոնով։
Օյկումենա մ.թ.ա. 3-2-րդ հազարամյակ, որը հայտնի է միջագետքյան աղբյուրներից
Oἰκουμένη տերմինը հին հունարենով մի քանի նշանակություն ունի.
Մարդաբնակ երկիր
Հունական երկիր՝ հունական ցեղերով բնակեցված հողեր
Երկիր, աշխարհ՝ մարդկությանը հայտնի տարածքներ
19-րդ դարի վերջին այդ բառը և դրա ածանցավորները սկսեցին տարածվել նաև արևմտաեվրոպական լեզուներում, առաջին նշանակությունը բողոքականների մոտ էկումենյան շարժման առաջացման հետ կապված։
20-րդ դարի 2-րդ կեսին բնօրինակ տերմինի փոխառումը երկու եղանակով, որը երկու տարբեր արտասանություն տվեց և երկու իրարից տարբերվող իմաստ. էկումենիզմի մասին խոսում են բացարձակապես տարբեր եկեղեցիների միջկրոնական կապերի մերձեցման մասին, իսկ օյկումենան օգտագործում են որպես աշխարհագրական, բնապահպանական, պատմական և մշակութային տերմին, որը նշանակում է մարդաբնակ երկիր։
