Վաթեռլոյի ճակատամարտ

Վաթերլոյի ճակատամարտ
Յոթերորդ Կոալիցիայի Պատերազմ
«Վաթեռլոոյի ճակատամարտ», հեղինակ Ուիլյամ Սադլեր
Թվական հունիսի 18, 1815 Վայր Վաթերլոո,  Բելգիա Արդյունք Կոալիցիայի լիակատար հաղթանակ
Հակառակորդներ
Ֆրանսիական Առաջին Կայսրություն	Յոթերորդ Կոալյիցիա։  Միացյալ Թագավորություն  Նիդերլանդներ  Պրուսիա
Հրամանատարներ
Նապոլեոն Բոնապարտ	Արթուր Ուելլեսլի
Կողմերի ուժեր
72,000	70,000
Ռազմական կորուստներ
32,000	23,000

Վաթերլոյի ճակատամարտ՝ ճակատամարտ, որ տեղի է ունեցել Բրյուսելից 20 կմ հարավ գտնվող Վաթեռլոո բնակավայրի մոտ՝ Նապոլեոն Բոնապարտի բանակի (72.000 մարդ, 243 թնդանոթ) և անգլա-հոլանդա-պրուսական զորքերի (70.000 մարդ, 158 թնդանոթ) միջև «Հարյուր օր» ժամանակաշրջանի վերջում։

Հունիսի 18-ին Նապոլեոնի բանակը գրոհեց Վաթերլոոյի մոտ դիրքավորված անգլա-հոլանդական զորքերի վրա։ Ֆրանսիական զորքերի գրոհները ետ մղվեցին՝ նրանց պատճառելով մեծ կորուստներ։ Մարտի թեժ պահին արևելքից մոտեցան պրուսական զորքերը, և ֆրանսիացիների աջ թևին նրանց հասցրած հարվածները վճռեցին ճակատամարտի ելքը։ Ֆրանսիացիները դիմեցին փախուստի՝ կորցնելով 32.000 մարդ և ամբողջ հրետանին, դաշնակիցները՝ 23.000 մարդ։

Այս ճակատամարտում կրած պարտության հետևանքով նապոլեոնյան կայսրությունը վերջնականապես կործանվեց։

Վիքիպահեստն ունի նյութեր, որոնք վերաբերում են «Վաթեռլոյի ճակատամարտ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։