Ռեյֆ Ֆայնս

Ռեյֆ Ֆայնս անգլ.՝ Ralph Fiennes
Ծնվել է	դեկտեմբերի 22, 1962(1962-12-22)[1][2][3]^[…] (62 տարեկան)
Ծննդավայր	Իպսուիչ
Կրթություն	Չելսիի արվեստի և դիզայնի քոլեջ, Դրամատիկական արվեստի թագավորական ակադեմիա (1985)[4], St Kieran's College?, Նյութոնի դպրոց և Bishop Wordsworth's Church of England Grammar School?
Քաղաքացիություն	Միացյալ Թագավորություն և  Սերբիա
Մասնագիտություն	կինոդերասան, կինոռեժիսոր, հնչյունավորող, բնավորության դերասան, թատրոնի դերասան, դերասան, կինոպրոդյուսեր, հեռուստատեսային դերասան, ռեժիսոր և պրոդյուսեր
Աշխատավայր	ՅՈՒՆԻՍԵՖ
Ժանրեր	Շեքսպիրի կատակերգություն
Ծնողներ	հայր՝ Մարկ Ֆայնս[5], մայր՝ Ջենիֆեր Լեշ[5]
Ամուսին(ներ)	Ալեքս Քինգսթոն
Համատեղ ապրող(ներ)	Ֆրանչեսկա Աննիս
Պարգևներ և մրցանակներ	Թատերական համաշխարհային մրցանակ [6] Թոնի մրցանակ պիեսում խաղացած տղամարդու լավագույն դերի համար Ջեյմս Ջոյսի մրցանակ BAFTA մրցանակ երկրորդ պլանի տղամարդու լավագույն դերակատարման համար Եվրոպական կինոակադեմիայի մրցանակ լավագույն դերասանին [7] և European Film Awards համաշխարհային կինոյում եվրոպական ավանդի համար [8]

Ռեյֆ Նաթանիել Թուիսլթոն Ուայքհեմ Ֆայնս^[9] (անգլ.՝ Ralph Nathaniel Twisleton-Wykeham-Fiennes^[10], MWCD /RĀF FĪNZ/^[11], դեկտեմբերի 22, 1962(1962-12-22)^{[1][2][3][…]}, Իպսուիչ), բրիտանացի դերասան, ռեժիսոր, ՅՈՒՆԻՍԵՖ–ի բարի կամքի դեսպան։

Կենսագրություն

Ռեյֆը ընտանիքի առաջնեկն է։ Նրա մայրը՝ Ջենիֆեր Լաշը, գրող է, հայրը՝ Մարկ Ֆայնսը, հանրահայտ լուսանկարիչ է (վերջինիս հայրը ձեռնարկատեր Մորիս Ֆայնսն էր^[12])։ Նրա ընտանիքը սերում է նորմաններից^[13]։ 1973 թվականից սկսած՝ ընտանիքը բնակվում է Իռլանդիայում։ Նրա հինգ եղբայրներից և քույրերից գրեթե բոլորը ինչ–որ կերպ առնչություն ունեն կինոյի հետ․ եղբայրը՝ Ջոզեֆ Ֆայնսը, կատարել է Շեքսպիրի դերը օսկարակիր «Սիրահարված Շեքսպիրը» մելոդրամայում (1998), մյուս եղբայրը՝ Մագնուս Ֆայնսը, երգահան է, քույրերը՝ Սոֆի Ֆայնսը և Մարթա Ֆայսնը, կինոռեժիսորներ (Մարթայի «Օնեգին» ֆիլմում Ռեյֆը գլխավոր դերակատարն է), իսկ նրանց երրորդ եղբայրը՝ Յակոբը, զբաղվում է շրջական միջավայրի պաշտպանությամբ։ Նաև երիտասարդ դերասան Հիրո Ֆայնս Թիֆինը (խաղացել է «Հարի Փոթերը և Խառնածին արքայազնը» ֆիլմում) Ռեյֆի զարմիկն է, բրիտանացի հայտնի ճանապարհորդ Ռանուլֆ Ֆայնսը և գրող Ուիլիամ Ֆայնսը Ռեյֆի զարմիկներն են արդեն երրորդ աստիճանով։ 8-րդ սերնդով նրանք բարեկամ են բրիտանական արքայական ընտանիքին։

Կարիերա

Դերասանական վարպետություն ուսանել է Դրամատիկ արվեստի թագավորական ակադեմիայում։ Կարիերան սկսել է Ռիջենթս պարկի բաց թատրոնում, 1980-ականների վերջերում խաղացել է Թագավորական թատրոնում։ 1988 թվականից տեղափոխվել է Թագավորական Շեքսպիրյան թատոնг^[13]։ Ամերիկյան «Թոնի» մրցանակի դափնեկիր է։ Առաջադրվել է «Օսկարի» «Շինդլերի ցուցակը» (1993) և «Անգլիացի հաճախորդ» (1996) ֆիլմերում կատարած դերերի համար։ Առաջադրվել է նա «Ոսկե մորու»» (1999, Ումա Թուրմանի հետ միասին «Վրիժառուները» կատակերգական մարտաֆիլմի համար)։ Նույն թվականին կատարել է Եվգենի Օնեգինի դերը համանունը «Օնեգին» հոլիվուդյան ֆիլմում։

1997 թվականին Ռեյֆ Ֆայնսը խաղաց Իվանովի դերը Չեխովի նույնանուն պիեսայում լոնդոնյան «Ալմեյդա» թատրոնի բեմադրությունում։ Ֆայնսը համոզիչ կատարեց կոտրված և խարդախ մարդու դերը^[14]։ Նույն թվականին հյուրախաղերի ժամանակ նա կատարեց Իվանովի դերը Մոսկվայում՝ «Փոքր թատրոնի» բեմում։

2011 թվականին դարձել է Ա․ Տարկովսկու Իվանովոյում անցկացվող «Հայելի» V միջազգային կինոփառատոի ժյուրիի անձնակազմի ղեկավարը^[15]։

2014 թվականին կատարել է խոշոր հյուրանոցի ամենուր հասցնող աշխատակցի դերը Ուես Անդերսոնի «Գրանդ Բուդապեշտ հյուրանոց» ֆիլմում։ Ֆայնսի այդ աշխատանքը բարձր գնահատականների է արժանացել քննադատների կողմից, ստացել է նաև BAFTA և «Ոսկե գլոբուս» մրցանակները։

Անձնական կյանք

1993-1997 թվականներին դերասանն ամուսնացած էր դերասանուհի Ալեքս Քինսգթոնի հետ, որ հայտնի է «Շտապօգնություն» և «Բժիշկ ով» հեռուստասերիալներից։

Մրցանակներ

Երկու անգամ առաջադրվել է «Օսկարի»։ Ունի 11 այլ մրցանակներ և 20 առաջադրումներ։

• 2005՝ Լավագույն դերասան՝ «Նվիրված այգեպան» (British Independent Film Awards, Evening Standard British Film Awards, London Critics Circle Film Awards)
• 1999՝ Լավագույն դերասան՝ «Արևային լույսի համը» (European Film Academy)
• 1993՝ Երկրորդ պլանի լավագույն դերասան՝ «Շինդլերի ցուցակը» (BAFTA, National Society of Film Critics (США), New York Film Critics Circle)

Ծանոթագրություններ

1. Internet Broadway Database — 2000.
2. Discogs — 2000.
3. filmportal.de — 2005.
4. Student & graduate profiles — Royal Academy of Dramatic Art.
5. Lundy D. R. The Peerage
6. Theatre World Award Recipients — Theatre World Award.
7. https://web.archive.org/web/20190330120507/https://www.europeanfilmacademy.org/European-Film-Awards-Winners-1999.74.0.html
8. https://web.archive.org/web/20190706164023/https://www.europeanfilmacademy.org/Winners-2018.832.0.html
9. Հանդիպում է նաև անվան տառադարձային ձևը՝ Ռալֆ։ Սակայն առավել ճշգրիտ տարբերակ է ընդունվում Ռեյֆ Ֆայնս անվան կիրառումը
10. «How to pronounce Ralph Fiennes» (անգլերեն). inogolo.com. Արխիվացված օրիգինալից 2012 թ․ փետրվարի 21-ին. Վերցված է 2012 թ․ հունվարի 26-ին.
11. «NLS/BPH: Other Writings, Say How?» (անգլերեն). National Library Service for the Blind and Physically Handicapped. Արխիվացված օրիգինալից 2012 թ․ փետրվարի 21-ին. Վերցված է 2012 թ․ հունվարի 26-ին.
12. դերասանի կենսագրությունը filmreference.com կայքում
13. Fiennes, Ralph. Interview with James Lipton Արխիվացված 2007-08-04 Wayback Machine. «Inside the Actors Studio»
14. Յու․ Ֆրիդշտեյն․ Ռեյֆ Ֆեյնսի «Ռուսական հաճախորդը»,2000. — էջ 323.
15. «Մեկնարկել է Անդրեյ Տարկովսկու անվան միջազգային կինոփառատոնը» (ռուսերեն). tvzvezda.ru. Արխիվացված է օրիգինալից 2012 թ․ փետրվարի 21-ին. Վերցված է 2011 թ․ մայիսի 25-ին.

Արտաքին հղումներ

• Ռեյֆ Ֆայնսի կենսագրությունը All Movie Guide կայքում Արխիվացված 2008-05-07 Wayback Machine

Վիքիպահեստն ունի նյութեր, որոնք վերաբերում են «Ռեյֆ Ֆայնս» հոդվածին։