Լևոն Համբարձումի Բեյբության (հունվարի 5, 1954(1954-01-05), Էջմիածնի շրջան, Հայկական ԽՍՀ, ԽՍՀՄ), հայ քանդակագործ։
Կենսագրություն
Լևոն Բեյբությանը ծնվել է Էջմիածնի շրջանում 1954 թվականին։ 1973 թվականին ավարտել է Երևանի գեղարվեստի ուսումնարանը։ 1973-1974 թվականներին սովորել է Երևանի Խաչատուր Աբովյանի անվան մանկավարժական ինստիտուտում, 1974-1977 թվականներին եղել է Ղուկաս Չուբարյանի աշակերտը։ 1977 թվականից ապրում և ստեղծագործում է Սանկտ Պետերբուրգում։ 1985 թվականին ավարտել է Սանկտ Պետերբուրգի Մուխինայի անվան գեղարվեստաարդյունաբերական բարձրագույն ակադեմիայի քանդակագործության ֆակուլտետը՝ Վ. Ռիբալկոյի դասարան։ 1987 թվականից Սանկտ Պետերբուրգի գեղարվեստաարդյունաբերական ակադեմիայի հրավիրյալ դասախոս է, 2000 թվականից քանդակագործության ամբիոնի դոցենտ։ 1985 թվականից ԽՍՀՄ նկարիչների միության անդամ է[1]։
Աշխատանքները գտնվում են Սանկտ Պետերբուրգի նկարիչների միության ցուցահանդեսային ֆոնդում, Սանկտ Պետերբուրգի պատմության պետական թանգարանում, ՌԽՖՍՀ ֆոնդերում, Ռուսաստանի, Դանիայի, Ֆինլանդիայի, Շվեյցարիայի մասնավոր հավաքածուներում։
Ստեղծագործություններ
- 1987 «Տղան կատվի հետ» քաղաքային քանդակ, գրանիտ, Վիբորգ
- 1988 Քանդակ «Սպիտակ»` նվիրված 1988 թվականի երկրաշարժի զոհերին, Սանկտ Պետերբուրգի Սուրբ Հարություն եկեղեցու դիմաց, մարմար
- 2005 Ցիոլկովսկու հուշարձանը, Սանկտ Պետերբուրգ, գրանիտ
- 2005 «Հուշարձան զինվորին», բրոնզ, Լենինգրադի մարզի Պրիոզյորսկի շրջան
- 2009 Վախթանգի հուշարձանը, բրոնզ, Սուրբ Հարություն եկեղեցու հայկական գերեզմանատուն
- 2010 Օրբելու հուշարձանը, բրոնզ, գրանիտ, Սանկտ Պետերբուրգի պետական համալսարան
- 2015 Կոմիտասի հուշարձան (Սանկտ Պետերբուրգ)[2]
Ցուցահանդեսներ
1983 թվականից մասնակցում է քաղաքային, միջազգային ցուցահանդեսների ու սիմպոզիումների։
Անհատական ցուցահանդեսներ
- 1994 Սանկտ Պետերբուրգի Մուխինայի անվան գեղարվեստաարդյունաբերական ակադեմիա
- 1995, 1997 Կազինո, Կոնտի
- 1998 Սանկտ Պետերբուրգի Մուխինայի անվան գեղարվեստաարդյունաբերական ակադեմիայի թանգարան, ընտանեկան ցուցահանդես
- 2006 Կրթության զարգացման բարեգործական հիմնադրամ, Մոսկվա
- 2009 «Լույս, ձև, զգացմունք»
Խմբակային ցուցահանդեսներ
- 1992 Հայ նկարիչների ցուցահանդես, Սպայի տուն, Սանկտ Պետերբուրգ
- 1994 Հայ նկարիչների ցուցահանդես՝ նվիրված 1915 թվականի Հայոց ցեղասպանությանը, Սանկտ Պետերբուրգի Մուխինայի անվան գեղարվեստաարդյունաբերական ակադեմիա
- 1994 Սանկտ Պետերբուրգի հայ նկարիչներ, Կռունկ պատկերասրահ
- 1996 Սանկտ Պետերբուրգ-Երևան-Փարիզ մշակութային կամուրջ
- 1997 Ցուցահանդես Սանկտ Պետերբուրգի հայկական Սուրբ Հարություն եկեղեցում
- 1997 «Սեր և էրոտիկա», Սանկտ Պետերբուրգ
- 2003 Ցուցահանդես՝ նվիրված Ժամանակակից արվեստի թանգարանի 10-ամյակին, Սանկտ Պետերբուրգ
- 2004 Քանդակային ցուցահանդես Նևսկի պողոտայում, Սանկտ Պետերբուրգ
- 2005 Սանկտ Պետերբուրգի պատմության և կրոնի պետական թանգարան
- 2005 «Մեր տունը», Սանկտ Պետերբուրգի նկարիչների միություն
- 2006 Սանկտ Պետերբուրգի հայ նկարիչների ցուցահանդես
- 2007 Ժամանակակից արվեստի հավաքածու, «Մանեժ»
- 2008 «Պետերբուրգյան համախտանիշ» ներկայացման ցուցահանդես
- 2010 Հայ համայնքի 300-ամյակին նվիրված Սանկտ Պետերբուրգի հայ նկարիչների ու քանդակագործների ցուցահանդես
Մրցանակներ
- 1981 թ.- Պանֆիլովյան մրցանակ խորհրդային միության հերոս Պանֆիլովի կիսանդրու համար
- 1988 թ.- ՌԽՖՍՀ սիմպոզիումի 2-րդ մրցանակ
- 1998 թ.- Քարե քանդակների միջազգային սիմպոզիումի դիպլոմ, Ֆինլանդիա
- 2002 թ.- Սառցե քանդակների միջազգային փառատոնի մասնակցության շնորհակալագիր
- 2003 թ.- Դիպլոմ «Էրոտիկայի դարաշրջան», Եվրասիա ցուցահանդեսային կենտրոն
- 2004 թ.- «Վարպետի կոչում», արվեստի միջազգային փառատոն
- 2005 թ.- «Հուշարձան զինվորին» ստեղծագործական մրցույթի 1-ին կարգի դիպլոմ
- 2010 թ.- ՀՀ սփյուռքի նախարարության պատվոգիր
- 2010 թ.- ՀՀ մշակույթի նախարարության պատվոգիր
- 2016 թ.- Երևանի քաղաքապետի ոսկե մեդալ[3]
Ծանոթագրություններ