52.01666666666713.883333333333
Slopišća (němsce Schlepzig)[2] su delnjołužiska gmejna w braniborskim wokrjesu Dubja-Błóta. Maja wjace hač šěsć stow wobydlerjow a słušeja wot 2016 do připóznateho sydlenskeho ruma Serbow w Braniborskej.
Geografija
Wjes leži sewjernje města Lubina w delnich Błótach, bjezposrědnje při Sprjewi. Do gmejny słušeja tež wobydlena městna Błotny młyn (Buschmühle), Gólnica Slopišća (Forsthaus Schlepzig), Pětkamcojc Góra (Petkamsberg) a Forsthaus Buchenhain.
Stawizny
Wjes naspomni so hižo w lěće 1004 k prěnjemu razej pisomnje w darjenskim wopismje kejžora Hendricha II. Nienburgskemu klóštrej a słuša tuž do najstaršich znatych sydlišćow we Łužicy. W lěće 1769 zniči wulki woheń drjewjanu cyrkej a wjele chěžow we wsy.
Žorła
- ↑ Ludnosć w Braniborskej po gmejnach dnja 31. decembra 2021 na statistik-berlin-brandenburg.de
- ↑ Wejsne mjenja Dolna Łužyca (delnjoserbsce)
Wotkaz