Prěnje historiske naspomnjenje jako knježe sydło Rodeswiz je z lěta 1232 a běše tež w sćěhowacych lětstotkach stejišćo ryćerkubła, kotrež wukonješe ležownostne knjejstwo nad wsu.[3]
W lěće 1884 měješe wjes po Mukowej statistice 386 wobydlerjow, mjez nimi 281 Serbow (73 %).[4]Arnošt Černik zwěsći 1956 serbski podźěl wobydlerstwa wot jenož hišće 15 %. Rozwodecy mějachu swójski serbski dialekt, kotryž je mjeztym wotemrěty.
Michał Rostok naliči 1887 slědowace serbske ležownostne mjena: W Dźělnach, Wulke łuki, Wowče łuki, Zła łuža, Hrodźanske pola, W Bažonkach, Na Sćěnach, Na Goborje, W Zmołach (= in Monden), W Pawlec Heli, Pastwišća, W hatach, Butrowa woda, Bortnik, Na winicy, Hlinjany hatk, Na delnych łukach, Šoberec doły, Pola zabiteho muža, Na kórcach, Za rěčkami.[5]
Wosobiny
Jan Lajnert (1892–1974) – serbski wučer, basnik a spisowaćel, narodźeny w Słonej Boršći
_Bederwitzer_Stra%C3%9Fe_9.jpg)
