Yn Boodeeys Tarmaynagh Oarpagh

Yn Boodeeys Tarmaynagh Oarpagh
"Anthym yn Oarpey" Edit the value on Wikidata
SorçhUnnaneys tarmaynagh
Kione-cherroo
Çhengey oikoil
Bunnit1 Jerrey Geuree 1958 (Conaant y Raue)
Jee-vunnit
Olteynys

She reagheydys ardjynagh va'n Boodeeys Tarmaynagh Oarpagh (BTO ny EEC, voish European Economic Community y Vaarle). V'eh crooit liorish Conaant y Raue ayns 1957, dy chur çhooraght harmaynagh mastey ny h-olteynyn er oaie. Ny s'anmey, v'eh aaenmyssit myr y Boodeeys Oarpagh (BO ny EC) lurg v'eh co-hymit stiagh 'sy chied cholloo jeh'n Unnaneys Oarpagh (UO) noa-chrooit ayns 1993. 'Sy ghlare chadjin, va'm Boodeeys Oarpagh ymmydit dy meechruinn ayns keeall lheeadagh ny Boodeeyssyn Oarpagh, dyn bwooise da val yn enmyssey jerrinagh coodaghey dagh fer jeh ny tree co-unnidyn 'sy chied cholloo.[1]

Ayns 2009, haink jerrey oikoil rish yn EC as va e undinyssyn sooit stiagh 'syn UO dy jeeragh. Ren eh shoh undinys eiyrtyssagh formoil y Voodeeys jeh'n Unnaneys.

Hoshiaght, va'n Boodeeys shirrey çhooraght harmaynagh y chur er oaie, goaill stiagh margey singyl as unnaneys custym, mastey ny shey bun-olteynyn: y Çheer Injil, y Ghermaan Heear, yn Iddaal, Lucsemburg, y Rank, as y Velg. Hooar eh co-phossan d'undinyssyn chammah's yn Boodeeys Oarpagh da Geayl as Staillin (ECSC) as yn Boodeeys Oarpagh da Bree Çheshveanagh (EURATOM) myr nane jeh ny Boodeeyssyn Oarpagh fo'n Chonaant Covestey ayns 1965 (Conaant y Vrussyl). Ayns 1993 va margey singyl feddynit, va enmyssit y margey sthie, lhig da seyr-ghleashaght cooid, bun-argid, shirveishyn, as deiney çheusthie jeh'n EEC. Ayns 1994 strughtoor y vargey sthie formoilit trooid conaant yn EEA. Ren y conaant shen sheeyney yn margey sthie dy ghoaill stiagh y chooid smoo jeh olteynyn y Cho-heshaght Dellal Seyr Oarpagh, jannoo yn Ard Tarmaynagh Oarpagh, ta coodaghey 15 çheeraghyn.

Lurg cur ayns bree Chonaant Maastricht ayns 1993, va'n EEC aaenmyssit myr yn Boodeeys Oarpagh dy hoilshaghey magh dy row eh coodaghey ny smoo na polasee tarmaynagh. Haghyr shoh tra va ny tree Boodeeyssyn Oarpagh, goaill stiagh yn EC, co-yeant dy yannoo yn chied cholloo jeh ny tree collooyn jeh'n Unnaneys Oarpagh va bunnit liorish y chonaant chammah. Hannee yn EC ayn 'sy chummey shen derrey laa e scryssee rere Conaant Lisbon ayns 2009, chur undinyssyn yn EC stiagh ayns crauelagh lheeadagh yn UO as chur sheese dy vees yn UO "çheet stiagh ayns ynnyd,m as geiyrt er, yn Boodeeys".[2]

Imraaghyn

  1. ↑
    • "Y Boodeeys Oarpagh". Encyclopædia Britannica. Feddynit magh er 30 Jerrey Geuree 2009. The term also commonly refers to the 'European Communities', which comprise ... ("Ta'n enmys çheet dy mennick er 'ny Boodeeyssyn Oarpagh', ta jeant ass ...")
    • "Introduction to EU Publications". Guide to European Union Publications at the EDC. Ollooscoill Exeter. Er ny hashtey veih yn lhieggan bunneydagh er 24 Mean Fouyir 2007. Feddynit magh er 30 Jerrey Geuree 2009. The European Community originally consisted of three separate Communities founded by treaty ... ("Va'n Boodeeys Oarpagh jeant hoshiaght ass tree Boodeeyssyn er lheh va bunnit rere conaant ...")
    • Derek Urwin, Ollooscoill Aberdon. "Glossary of The European Union and European Communities". Feddynit magh er 30 Jerrey Geuree 2009. European Community (EC). The often used singular of the European Communities. ("Y Boodeeys Oarpagh (EC). Y lhieggan unnaneagh ta ymmydit dy mennick da ny Boodeeyssyn Oarpagh")
  2. ↑ "Communication contained in a Note verbale from the Council of the European Union and the Commission of the European Communities, dated 27 November 2009, registered at the Secretariat General on 30 November 2009". Coonseil yn Oarpey (ayns Baarle). Feddynit magh er 10 Nollick 2023. {{cite web}}: Check date values in: |accessdate= (cooney)CS1 maint: çhengey gyn enney (link)

Kianglaghyn maghs

Ta tooilley mean ayns Wikimedia Commons bentyn rish: Yn Boodeeys Tarmaynagh Oarpagh.

Strategi Solo vs Squad di Free Fire: Cara Menang Mudah!