She lus lussagh 'sy ghenus Typha eh bossan doo ny quiggal ny ben-shee (Typha latifolia). T'eh dooghyssagh da'n Oarpey, yn Affrick, America Hwoaie as Yiass, as yn Aishey.[1] T'eh coontit myr sarkyl ruegyssagh 'syn Austrail as Hawaii.[2] Ta feanish ayn dy vel eh ry-akin 'syn Indoneesh, yn Valaysia, Yn Teelynn Noa, Papooey Guinea Noa as ny h-Ellanyn Philippeenagh, agh cha nel eh dooghyssagh 'syn ardjyn shen.[1]
T'eh ry-akin ayns ymmodee emshyraghtyn çhirrym ny fliugh.[3] T'eh gaase eddyr ardjid ny marrey as 2,300m er yrjid. Ta feme echey er ushtey, myr egintagh thalloo fliugh.[4] T'eh gaase ayns buill baiht raad nagh vel ushtey erskyn 0.8m, son y chooid smoo.[5] Ny keayrtyn, t'eh gaase myr breshag snauee ayns ushtey dowin.[3] Share da ushtey millish, agh t'eh surranse beggan sailjys.[4] My ta'n sailjys lhaggaghey, foddee eh goaill yn ynnyd jeh dooieyn dooghyssagh reeastyn gortey, as myr shen ve ny harkyl ruegyssagh.[4]
Jalloo-oaylleeaght
T'eh gaase wheesh as 3m er yrjid. Ta duillagyn 2-4cm er lheead echey.
Ymmyd
Va dooghyssee America gee raisoamyn bossan doo, chammah's binn ny duillagyn as dhossanyn blaaghey aegey. Ta raisoamyn yn-ee erreish daue goll er coagyrey as speeiney; ta ny gish as duillagyn yn-ee aw ny coagyrit.[6] T'eh soo stiagh broid ass yn ushtey, myr shen, cha nel eh sauçhey ee adsyn ya gaase ayns ushtey broighit.
Imraaghyn
Kianglaghyn mooie
