Jasypo (karaiñe'ẽme: Mayo) ha'e hína jasy poha arýgua upe arapapaha Gyregoriopegua ipype ha oguereko 31 ára; hákatu Rróma arapapahápe Maius ha'e akue jasy mbohapyha, jasyteĩ ha jasykõi opytágui ary ipahápe.
Tembiasa
- Ára 1 jasypo ary 1886-pe, táva Chicago-pe (Tetã peteĩ reko Amérikagua) oñepyrũ peteĩ tembiapo jokoha guasu ojeruréva 8 aravo omba'apo hag̃ua, ára ha ára, imba'apohápe, ha upévare ojeporavókuri 1 jasypo Mba'apohára Ára, ojegueromandu'ávo umi mba'apohára ojejukava'ekue.[1]
- Epáña retãme, Sy Ára oñemboarete peteĩha arateĩ jasypógui, ha ambue retãme Amérikagua oñemboarete arateĩ mokõiháme jasypógui. El Salvador, Guatemala ha Méhiko omboarete 10 jasypópe, ha Paraguái retãme oñemboarete 15 jasypópe, Volívia oñemboarete 27 jasypo ha umi Karíve retãme (República Dominicana ha ambuéva) oñemboarete arateĩ pahaguépe jasýgui. Nikaraguape oñemboarete 30 jasypópe.[2]
- Ára 3 jasypo oñemboarete Ñemomarandu Hekosãsóva Ára, ONU rupive.[3]
- Ára 5 jasypo oñemboarete Oporomomembýva Ára.[4]
- Ára 5 jasypópe Hapõ retãme oñemboarete Mitã Ára.[5]
- Ára 14 ha 15 jasypópe oñemboarete Paraguái hekosãso ára.[6]
- Ára 15 jasypo oñemboarete Ñemoñare Ára, ONU rupive.[7]
- Ára 15 jasypo oñemboarete Méhikope ha Kolombia avei upe Mbo'ehára Ára.[8]
- Ára 24 jasypo ary 1822-pe ojejapo upe Ñorairõ Pichincha táva Quito-pe, ha oñemosãso Ekuator.[9]
- Ára 25 jasypópe oñemboarete Afrika Ára, ONU rupive.
- Ára 25 jasypópe oñemboarete Argentina retãme upe Jasypo Ñemopu'ã omoñepyrũ Argentina.[10]
- Ára 31 jasypo oñemboarete Petỹ'ỹ Ára, ONU rupive.[11]
Mandu'apy
Joaju
