Alemaña esténdese dende as altas montañas dos Alpes (o punto máis elevado é o Zugspitze con 2.962 m) no sur ata as costas do mar do Norte e do mar Báltico no norte. Polo medio, esténdense as terras altas, forestadas, da Alemaña central e as terras baixas da Alemaña do norte (o punto máis baixo é o Neuendorfer/Wilstermarsch, con -3.54 m), atravesadas por algúns dos maiores ríos da Europa, como o Reno, o Danubio e o Elba.
O clima é ás veces imprevisíbel. No cumio do verán, un día pode ser quente e solarengo e o día seguinte frío e chuviñento. Porén, as condicións climáticas verdadeiramente extremas, como secas severas, tornados, tempestades de saraiba, frío ou calor extremo etc., son extremadamente raras. Houbo dúas inundacións de grande escala nos últimos anos, mais en xeral tamén estas son raras. Non hai noticia de sismos destrutivos.
Ambiente - problemas actuais - as emisións de industrias e instalacións movidas a carbón contribuen á polución do aire; a choiva ácida, proveniente das emisións de dióxido de xofre, está a afectar as forestas; polución do mar Báltico proveniente de esgotos libres e afluentes industriais nos ríos da Alemaña oriental; eliminación dos residuos perigosos; o goberno anunciou a intención de renunciar a produción de electricidade por vía nuclear; o goberno procura identificar áreas de preservación natural a fin de cumprir a directiva da UE sobre fauna, flora e hábitat.
Ambiente - acordos internacionais
é parte de - Polución do Aire, Polución do Aire - Óxidos de Azoto, Polución do Aire - Xofre 85, Polución do Aire - Xofre 94, Polución do Aire - Compostos Orgánicos Volátiles, Antártida - Protocolo Ambiental, Tratado da Antártida, Biodiversidade, Mudanzas Climáticas, Desertificación, Especies Ameazadas, Modificación Ambiental, Resíduos Perigosos, Lei do Mar, Despexos Marítimos, Banimento de Ensaios Nucleares, Protección da Camada de Ozono, Polución Provocada por Navíos, Madeiras Tropicais 83, Madeiras Tropicais 94, Zonas Húmidas, Caza á Balea
asinou mais non ratificou - Polución do Aire - Poluentes Orgánicos Persistentes, Mudanzas Climáticas - Protocolo de Kioto
