Vicente Soto Martínez

Vicente Soto Martínez

Biografía
Nacemento	c. 1911 Pontevedra, España
Morte	valor descoñecido valor descoñecido
Actividade
Ocupación	mestre, político

Vicente-Santiago Soto Martínez, nado en Pontevedra cara a 1911, foi un mestre e político galego.

Traxectoria

Estudou maxisterio na Escola Normal de Pontevedra. Foi socio fundador da Casa del Maestro de Pontevedra.^[1] Fixo o cursiño de selección profesional para o ingreso no maxisterio de 1936.^[2] De ideoloxía socialista.

Cando se produciu o golpe de Estado do 18 de xullo de 1936 participou na defensa do goberno civil pontevedrés e na requisa de armas. Foi detido e xulgado en consello de guerra en Pontevedra por rebelión militar o 4 de febreiro de 1937 con Timoteo Blanco Abal, José Campos Villar, Adolfo Caeiro García e José Elías Silva Caneda.^[3] Un informe da Garda Civil considerábao "De dudosa conducta y antecedentes, simpatizante del frente popular, propagandista de izquierdas". Condenado a cadea perpetua, pasou pola illa de San Simón e despois foi trasladado ao Forte de San Cristovo de Pamplona, onde chegou o 11 de outubro.^[4][5] Conmutada a súa pena a catro anos o 26 de xuño de 1940, saíu con prisión atenuada o 20 de agosto.

Notas

1. El Pueblo Gallego, 22-3-1934, p. 11.
2. El Noticiero Gallego, 18-5-1936, p. 5.
3. El Diario de Pontevedra, 4-2-1937, p. 2.
4. "Soto Martínez, Vicente". Los presos del penal de Ezcaba. 
5. Xosé Álvarez Castro (14 de marzo de 2015). "Pontevedreses no forte de san Cristóbal". Pontevedra nos anos do medo.