Varlaam Sheptytskyi

Varlaam Sheptytskyi

Biografía
Nacemento	3 de febreiro de 1647 Voshchantsi ^(en)
Morte	27 de maio de 1715 (68 anos) Univ, Ucraína ^(en)
Lugar de sepultura	Catedral de San Xurxo ^49°50′19″N 24°00′46″L
Bispo diocesano
30 de outubro de 1709 – ← Yurii Vynnytskyi – Atanasii Sheptytskyi → Diocese: Arquieparquía católica ucraína de Lviv
Datos persoais
Relixión	Igrexa católica e Igrexa católica bizantina ucraína
Actividade
Ocupación	bispo católico (1710–), sacerdote católico (1668–)
Consagración	Yurii Vynnytskyi
Familia
Familia	House of Szeptycki ^(en)

Varlaam Sheptytskyi (en ucraíno: Варлаам Шептицький; en polaco: Barlaam Szeptycki), nado como Vasyl Sheptytskyi (en ucraíno: Василь Шептицький; en polaco: Bazyli Szeptycki) o 3 de febreiro de 1647 en Voshchantsi (hoxe Ucraína) e finado o 5 de abril de 1715, foi un eclesiástico greco-católico, bispo de Lviv dende 1710 até o seu pasamento.

Traxectoria

Vasyl Sheptytskyi naceu o 3 de febreiro de 1647 en Voshchantsi, fillo de Oleksandr Zakharii Sheptytskyi e de Eva, de apelido de solteira Litynskyi.^[1] Foi educado nunha escola católica, e en 1664 entrou no skit de Maniava onde foi tonsurado monxe e tomou o nome de Varlaam.^[1] O 26 de febreiro de 1668 foi elixido arquimandrita do mosteiro de Univ, e dita elección foi aprobada polo rei Xoán II Casimiro o 19 de marzo.^[1] En 1701 foi abade do mosteiro de Vitsyn.^[1] Foi amigo do voivoda Adam Mikołaj Sieniawski.^[1]

Xunto ao bispo Yosyf Shumlianskyi participou activamente a prol da Unión de Brest na eparquía de Lviv. Tomou parte no coloquio de Lublin de 1680, e o 26 de marzo de 1681 fixo unha confesión de fe católica xunto con outros sacerdotes no Sejm.^[1]

Foi elixido bispo de Lviv o 21 de xaneiro de 1710, e o 15 de xuño foi consagrado polo metropolita Yurii Vynnytskyi.^[1] Finou o 5 de abril de 1715 e foi enterrado na catedral de san Xurxo de Lviv.^[1]

Notas

1. Мицько, Ігор (1998). Святоуспенська Лавра в Уневі (кінець ХІІІ ст. – кінець ХХ ст.). Lviv: Свічадо. p. 120.