VG-1.7

VG-1.7 Vía de Alta Capacidade Pardiñas-As Galanas
Vía para automóbiles VG-1.7
ID antigo
Identificador
Tipoloxía	Vía para automóbiles
Rede	Rede de estradas de Galicia
Titular da vía	Xunta de Galicia
Dimensións
Lonxitude	3,30 km
Formato	1 carril por sentido
Localización
Inicio	AG-56  Pardiñas
Fin	N-550  As Galanas
Circulación
Tránsito	Rodado, non peonil
Velocidade máxima
Restricións viarias
Concellos que atravesa Santiago de Compostela Ames Teo

A VG-1.7 ou Vía de Alta Capacidade Pardiñas-As Galanas^[1][2] (na provincia da Coruña), é unha vía para automóbiles da Xunta de Galicia que une as localidades de Pardiñas (Santiago de Compostela) e As Galanas (Teo); atravesa os concellos de Santiago de Compostela, Ames e Teo. Ten unha lonxitude de 3,30 quilómetros e iníciase nun cruzamento coa AG-56 en Pardiñas (Santiago de Compostela) e finaliza nun cruzamento coa N-550 nas Galanas (Teo).

Percorrido

Inicia na rotonda cos accesos á autovía AG-56, e dúas estradas sen denominación, unha en dirección norte cara ao lugar de Pardiñas (parroquia de Laraño do concello de Santiago de Compostela) e outra en dirección sur ao lugar do Outeiro (parroquia de Bugallido do concello de Ames), seguindo ata a ligazón da urbanización As Mimosas xunto ao lugar de Biduído de Abaixo (parroquia de Biduído do mesmo concello) e a estrada ao lugar da Agrela (parroquia de Biduído do mesmo concello). Termina no cruzamento coa estrada nacional N-550 no lugar das Galanas (parroquia de Calo do concello de Teo).

Historia

As primeiras obras iniciáronse en xaneiro de 2006^[3] e é un dos ramais da autovía AG-56 inaugurado en febreiro de 2008.^[4][5][6] O ramal permite a conexión coa estrada N-550 evitando a travesía do Milladoiro, cun rodeo duns 5,1 quilómetros. Orixinalmente tivo a denominación AC-522 e a principios de 2018 mudou á actual VG-1.7.

Treitos

Denominación	Treito	Kms	Ano servizo
VG-1.7	AG-56  Pardiñas -  N-550  As Galanas	3,3	2008[4][5][6]

Notas

1. "CATÁLOGO DE ESTRADAS DA REDE AUTONÓMICA DE ESTRADAS DE GALICIA (RAEGA) -XUÑO 2021-" (PDF). Consultado o xuño de 2021. 
2. "Listado RAEGA" (PDF). Consultado o xuño de 2023. 
3. "¿Habrá autovía en el 2008?". La Voz de Galicia (en castelán). Consultado o 20 de xaneiro de 2006. 
4. "Touriño inaugura la autovía entre Santiago y Brión, que ahorra 20 minutos por trayecto a 25.000 usuarios". La Voz de Galicia (en castelán). Consultado o 16 de febreiro de 2008. 
5. "La AG-56 ahorrará 20 minutos por trayecto a 25.000 usuarios diarios". La Voz de Galicia (en castelán). Consultado o 16 de febreiro de 2008. 
6. "El protocolo demora 28 minutos la apertura al tráfico de la autovía e irrita a decenas de conductores". La Voz de Galicia (en castelán). Consultado o 16 de febreiro de 2008.