The New York Times Building é un rañaceos finalizado en 2007, situado ao oeste de Midtown Manhattan, en Nova York. O seu principal propietario é The New York Times Company, do que entre as súas publicacións destacan The New York Times, The Boston Globe e International Herald Tribune.
O 9 de marzo de 2009, co motivo da Gran Recesión, o New York Times viuse obrigado a vender 70.000 metros cadrados do edificio pola suma de 225 millóns de USD.[1]
Historia do proxecto
Foi anunciado o 13 de decembro de 2001. Ten 52 plantas e está situado na zona oeste da Oitava Avenida, no cruzamento das rúas 40 e 41.
A famosa fotógrafa estadounidense Annie Leibovitz foi contratada para inmortalizar a construción do edificio entre xullo de 2005 e xullo de 2006. Leibovitz crearía unha colección de 35 imaxes, inspiradas nas fotografías que Lewis Hine e Margaret Bourke-White tomaron nos anos 1930 dos rañaceos Chrysler e Empire State. Visitaría de novo o edificio a comezos de 2007 para documentar a instalación dos seus primeiros ocupantes. Esta serie fotográfica denominouse Building the Times: Photographs by Annie Leibovitz.
Deseño
Foi deseñado polo arquitecto italiano Renzo Piano e a firma FXCollaborative, con Gensler coma interiorista. Destaca pola súa innovadora fronte con milleiros de pequenos tubos de cerámica.
O 11 de novembro de 2006, o edificio alcanzou a súa altura final de 319 metros.
Galería
Notas
Véxase tamén
