Durante a tempada 2013–14 o Deportivo da Coruña competiu na Segunda División (afrontando a súa 39ª campaña na categoría de prata) e na Copa do Rei, alcanzando a terceira rolda. Ao remate da tempada ascendeu a Primeira División, ao quedar subcampión da categoría.
Resumo da tempada
Xaneiro
O mercado de inverno abriuse coa marcha do arxentino Emmanuel Culio ao Al Wasl dos Emiratos Árabes, traspaso que supuxo un ingreso de 300.000 euros para as arcas do Deportivo.[1]
O 10 de xaneiro foi un día clave para o futuro do club, pois presentouse ante o xuíz concursal unha proposta de convenio. Celebrado na Audiencia Provincial da Coruña, obtivo o apoio do 59,44% dos acredores, pero non do acredor principal, a Axencia Tributaria. O maxistrado decidirá cara a finais de mes, momento no que o club contará cun novo Consello de Administración.[2]
Pese á situación convulsa na que vive o club, o presidente Augusto César Lendoiro incorporou dous xogadores para reforzar o cadro: Toché (procedente do Panathinaikos) e Diogo Salomão (cedido polo Sporting de Lisboa).[3]
Na xunta de accionistas celebrada o 21 de xaneiro a candidatura encabezada por Tino Fernández acadou un 72,09% dos votos, alzándose como novo presidente do club.[4]
Xa coa nova directiva durante este mes o equipo reforzouse con varias incorporacións, como a de Bryan Rabello (cedido polo Sevilla até o final da campaña),[5] de Ibrahim Sissoko (cedido polo Wolfsburg),[6] e a de Albert Lopo (procedente do Getafe).[7]
Do mesmo xeito o club anunciou a rescisión do contrato de Kaká (que firmou polo APOEL),[8] así como as cesións de Rudy (ao Belenenses) e Paulo Teles (ao Guijuelo).[9]
Febreiro
O 7 de febreiro o xuíz mercantil aprobou o convenio proposto polo Deportivo o pasado 10 de xaneiro (que contempla pagar a débeda do club en 17 anos, con dous de carencia, e tendo logo outros 17 anos para pagar a débeda subsidiaria. Todo cunha quita do 33%). Aínda sen o apoio de Facenda (o principal acredor), a partir desa data cesaron tódolos efectos da declaración de concurso.[10]
O 21 de febreiro, aproveitando unha visita institucional ao presidente da Xunta de Galicia Alberto Núñez Feijóo, anunciouse que no segunda equipamento da tempada 2014–15 lucirá a bandeira de Galicia.[11]
Marzo
O 2 de marzo o portugués Diogo Salomão (incorporado no mercado invernal) sufriu unha rotura do ligamento cruzado anterior do xeonllo dereito, perdéndose o que resta da tempada.[12] Para sustituílo o club fichou uns días máis tarde ao arxentino Diego Ifrán (cedido pola Real Sociedad).[13]
Maio
O 3 de maio o Deportivo xogou contra o Lugo, o partido correspondente á xornada 37, no denominado Derbi do norte, volvendo ao estadio Anxo Carro en partido oficial logo da tempada 1974–75 en Terceira División.[14] O partido rematou en empate (2–2).[15]
O 31 de maio logrou o ascenso matemático a Primeira División a falta dunha xornada, logo de vencer en Riazor ao Jaén (1–0), con gol de Carlos Marchena.[16]
Material deportivo
O equipamento do Deportivo foi proporcionado por Lotto e o patrocinador foi Estrella Galicia.
Xogadores
- Datos do 7 de xuño de 2014
Deixaron o equipo durante a tempada
Equipo técnico
| Cargo
|
Nome
|
| Adestrador
|
 Fernando Vázquez
|
| Asistente
|
Manolo Pombo
|
| Preparador físico
|
José Ángel Franganillo
|
| Adestr. de porteiros
|
Manuel Sotelo
|
Clasificación
2013–14 Segunda División Table
Actualizado aos partidos xogados o 8 de xuño de 2014.
Fonte: LFP - Liga Adelante
Regras de clasificación:
[17] 1º puntos; 2º puntos na cara a cara; 3º diferenza de goles no cara a cara; 4º goles marcados no cara a cara; 5º diferenza de goles; 6º número de goles marcados; 7º puntos por xogo limpo.
(C) = Campión; (D) = Descendido; (P) = Promocionado; (E) = Eliminado; (O) = Campión do play-off; (A) = Avanza de rolda.
Só aplicable mentres a tempada non está rematada:
(Q) = Clasificado para o torneo indicado; (TQ) = Clasificado para o torneo, pero non aínda para a fase específica indicada; (DQ) = Descualificado do torneo.
Partidos
Vitoria
Empate
Derrota
Aprazado
Pretempada
Segunda División
Copa do Rei
Segunda rolda
Terceira rolda
Notas
