Soldada republicana en Barcelona

Soldada republicana en Barcelona
Mural en homenaxe á obra situado en Pamplona (2022).

Soldada Republicana en Barcelona, tamén coñecida como Miliciana Republicana en Barcelona, é unha fotografía de Gerda Taro. Foi tomada en 1936, ao comezo da guerra civil española.

Tras anos de esquecemento,[1] a fotografía converteuse en icona[2] mundial do compromiso das mulleres na guerra civil española.[3]

Presentación

A fotógrafa Gerda Taro, autora da instantánea.

A fotografía mostra unha miliciana republicana axeonllada no chan cunha arma[4] durante un adestramento na praia de El Somorrostro de Barcelona, no barrio de La Barceloneta.[5] Foi publicada por primeira vez no semanario francés Vu.[6]

Cun formato cadrado de 6 x 6 cm, a foto foi tomada coa Rolleiflex coa que Gerda Taro cubriu a guerra civil española en Cataluña.[7]

Escenario da fotografía

A praia de El Somorrostro, lugar onde se tomou a instantánea, atópase fronte o Hospital del Mar. O centro sanitario barcelonés colleu sona polo filme Todo sobre mi madre de Pedro Almodóvar (1999).[8]

O recinto, histórico no mundo da arte e da historia da guerra civil española, atópase adxacente ao Port Olímpic de Barcelona, nas inmediacións da escultura El Peix do arquitecto canadense Frank Gehry.

Notas

  1. ↑ Pedinielli, Michèle (26 de agosto de 2019). "Gerda Taro, photographe oubliée de la guerre d’Espagne". RetroNews (en francés). Consultado o 17 de outubro de 2024. 
  2. ↑ Constant, Alain (25 de xuño de 2021). "«Sur les traces de Gerda Taro», sur France 5: la courte et intense vie d’une pionnière du photojournalisme". Le Monde (en francés). Consultado o 17 de outubro de 2024. 
  3. ↑ Warlop, Juliette (25 de xuño de 2021). "Sur France 5: Gerda Taro, la photographe de guerre éclipsée par Robert Capa". Télérama (en francés). Consultado o 17 de outubro de 2024. 
  4. ↑ Watling, Sarah (26 de xaneiro de 2023). "The unflinching gaze of Gerda Taro". Apollo (en inglés). Consultado o 16 de outubro de 2024. 
  5. ↑ Ropert, Pierre (1 de agosto de 2018). ""Gerda Taro, c'est pire qu'un effacement, c'est sa disparition"". Radio France (en francés). Consultado o 16 de outubro de 2024. 
  6. ↑ "En attendant Robert Capa" (en francés). 
  7. ↑ Launay, Madeleine (26 de xullo de 2017). "Gerda Taro: la compagne de Capa sort de l’ombre". Polka (en francés). Consultado o 16 de outubro de 2024. 
  8. ↑ Balistrou, Camélia (28 de agosto de 2022). "Sur les traces de Tout sur ma mère à Barcelone". Equinox (en francés). Consultado o 17 de outubro de 2024. 

Ver tamén

Strategi Solo vs Squad di Free Fire: Cara Menang Mudah!