Stilton é un queixo de Inglaterra. Prodúcese en dúas variedades: a moi coñecida blue (azul) e a menos popular white (branco). Denomínase en Inglaterra como o rei dos queixos ("the king of cheese"), ambas as variedades están protexidas coa denominación de orixe da Comisión Europea. Só o queixo producido en Derbyshire, Leicestershire, e Nottinghamshire e elaborado de acordo coas normas pode ser denominado "Stilton".
Características
É un queixo azul. Está elaborado con leite de vaca (35'5% mat. graxa). A súa codia presenta mofo. Tómase en distintos graos de maduración: tenro, semi-curado, curado. A súa pasta pode ser de cor branca ou laranxa. É o queixo azul con máis calorías. Cómese con culler. No caso dos tenros, cando se vai comer fúrase a codia e introdúcese oporto ou jerez.
